ROSALÍA 23 DE FEBREIRO 2026

 ROSALÍA.

  Buscamos con estas actividades achegar a obra de Rosalía de Castro ao alumnado e fomentar a lectura promovendo así mesmo o uso da lingua galega.

CONCERTO EN AFUNDACIÓN

O martes, día 27 de novembro, as nenas e nenos de 3º e 4º do cole fixemos unha saída ao Auditorio do Teatro Afundación para escoitar un concerto que nos fixo viaxar a través dos diferentes ritmos e melodías da música popular española. Estilos musicais chegados de lugares moi remotos, que se integraron na nosa terra grazas á influencia das diferentes culturas. Así, fomos quen de entender a importancia de recibir e escoitar aos que chegan doutros lugares e de gozar con instrumentos realmente insólitos creados a partir de materiais de desfeito.

Unha fermosa experiencia para todos nós!

Educación viaria en 5º

O venres 26 de outubro os nenos e nenas de 5º reflexionamos nas aulas  sobre as boas prácticas que debemos adoptar como peóns (a chuvia non nos permitiu saír ás inmediacións do colexio para facer as prácticas), pero puidemos analizar e estudar o mellor xeito de cruzar as rúas, os riscos que temos que evitar e como desfrutar dos itinerarios e paseos polas rúas da nosa cidade.

O que sí que nos quedou claro é que segundo o último informe da DGT sobre sinistralidade viaria, no ano 2013 houbo o dobre de vítimas entre as persoas con idades comprendidas entre os 25 e 54 anos que no colectivo infantil.

Así que, por favor, familias: Os nenos sabemos comportarnos coma peóns moito mellor cós adultos. Os adultos,  debemos esforzarnos e dar exemplo e aplicar en nós mesmos o que queremos que os cativos practiquen nas rúas.



VISITA AO CONCELLO DE VIGO

          O 30 de outubro os nen@s de quinto e sexto de Primaria, foron de visita ao Concello de Vigo. En dúas horas de percorrido, aprendemos como entre 1200 e 1300 funcionarios traballan nos diferentes departamentos. Na planta baixa, a chamada "lonxa", está a zona onde se poden resolver moitas das xestións cidadáns, de tráfego, pagamentos de lixo e contribucións...Tamén estiveron na Sala de Plenos onde  se reúnen os concelleiros xunto co noso alcalde "Abel Caballero", que aproveitou un ratiño para ir saudarnos. O alcalde é nomeado nas eleccións municipais polos vigueses maiores de 18 anos.

Despois baixamos ao soto onde se imparten cursos de danza  e canto popular e deixáronnos participar dunha peza que acompañamos coas palmas. Rematamos a visita vendo a sala onde se controla todo o tráfico da nosa cidade e os laboratorios de análise de auga.

 

Visita ao teatro Afundación. "De los cuentos a las cuentas" 5º e 6º P.

        O luns 22 de outubro, asistimos ao Teatro Afundación para gozar da obra "De los cuentos a las cuentas" galardonada co Premio de Actualidade Económica e CECA. 

        María, a protagonista, faranos viaxar a moitos lugares, sen movernos da nosa butaca nin da súa habitación. Vivirá entre dous mundos, acompañada do seu pai, un home serio e práctico, e do seu tío, un viaxeiro aventureiro, loitador e soñador. Nesta viaxe entre dous mundos, María entenderá que as veces os contos e os soños se poden facer realidade, só e necesario ter valor e esforzarse por conseguilo. A obra foi moi amena e divertida.

Charlas sobre perigos de internet e acoso escolar

         O 19 e 26 de outubro, os alumn@s de quinto e sexto de primaria recibiron a visita de Mónica, unha policía nacional que nos impartiu dúas charlas sobre "Os perigos de Internet" e "Acoso escolar". Encádranse dentro do "Plan Director" do 2018 para a convivencia e mellora da seguridade dos centros educativos. Ao longo de hora e media faloulles dos perigos das redes sociais e todo o que conleva sendo menores de idade. Rematou as dúas exposicións deixando que os rapaces e rapazas plantexaran as súas dúbidas e que fosen capaces de identificar e denunciar situacións inapropiadas tanto na rede como na vida escolar. 

        Chegamos a unha conclusión común: temos que plantarlle cara as condutas agresivas nos colexios e non quedarnos calados ante os abusóns.

PATIOS DIVERTIDOS E INCLUSIVOS: CONTRATOS PROGRAMA

O NOSO PROXECTO DE PATIOS DIVERTIDOS E INCLUSIVOS:
 Ao longo deste curso solicitamos un Contrato Programa para mellorar os nosos patios: que fosen máis divertidos, inclusivos e que non houbese lugar a problemas de convivencia. Empezamos por facer pequenos arranxos nos patios, aínda que se nos retrasou un pouquiño porque non paraba de chover e as obras eran no exterior. En canto o tempo deu unha tregua, viñeron sacar unhas barreiras arquitectónicas do patio, e, sobre todo, alisar os nosos muros para despois poder pintalos. Ao mesmo tempo, mercamos algún material e fixémonos con xogos novos, libros para facer unha bibliopatio, plásticos para poñer no chan e xogar aos xogos de mesa (xadrez, damas, memory...) ou ler, algunha casiña para o patio de Infantil. Todo isto era supervisado polos propios alumnos. Seguimos coa nosa biblioteca aberta dous días no recreo para facer actividades de contacontos, martes de xogos e algún taller como o de papiroflexia, levado polos nenos. Este foi o noso "comezar a andar", posto que aínda nos queda moito camiño por percorrer. Durante o verán continuaremos coas nosas pequenas reformas nos patios, para darlles un mellor e máis divertido uso.

O NOSO HORTO ESCOLAR

OS ALUMNOS DO CENTRO PLANTAMOS NO COLEXIO Os alumnos do Centro puxemos de novo a funcionar o horto escolar. Este curso fíxose un anaquiño máis tarde que de costume, pero... é que non paraba de chover. Aínda así, comezaron os alumnos de E. Infantil plantando flores na xardineiras do seu patio, as cales coidan todos os días. Deseguido, os alumnos de Primaria fixemos unha plantación de diferentes especies: lavanda, romeu, pirixel, pensamentos, tulipáns e algún alcume de leituga, pementos e tomates. Unha semana despois, comezamos a baixar ao horto os diferentes curso e plantamos: leitugas, feixóns e tomates. Na última semana do curso escolar xa recolleremos as leitugas, que están ben fermosas. Con todo este traballo, familiarizámonos con flores diferentes e aprendemos hábitos de comida saudables cos vexetais que temos no noso horto. Ademais, a nosa plantación é totalmente ecolóxica.

BO NADAL 2017 e PROSPERO ANINOVO

Seguindo co PDI "Os ollos de Vigo" fixemos esta fermosa árbore de Nadal feita entre todas as aulas e que loce na entrada do colexio. Podedes ver que está inspirada no olivo da Porta do Sol e rodeada de dinosauros e fotos dos grupos no Vigo antigo e actual.

Deste xeito queremos desexarvos un Bo Nadal e próspero 2018!.

 



 

RUBICUNDO

O xoves, 16 de novembro, os nenos e nenas de 3º e 4º do cole fixemos unha saída para ir ao teatro e ver a obra “Rubicundo”. A verdade é que xa tiñamos gana de que chegara o día posto que levabamos unhas semanas lendo o libro no que está inspirado a obra e non nos chegaba a hora de desentrañar o misterio deste personaxe tan estraño e especial. A posta en escena, o traballo dos actores, a música… fixo dese día algo moi especial para todos nós. Un pracer e un privilexio poder asistir a espectáculos coma este.

Lecturas compartidas na biblioteca polo Samaín

Na semana do 23 ao 27 de outubro, xuntámonos cada día dous cursos para compartir lecturas de medo na biblioteca e facer manualidades colaborativas para decorar a biblioteca de xeito arrepiante e celebrar deste xeito o día das bibliotecas escolares. A dicir verdade, todos disfrutaron moitísimo destas lecturas compartidas e a biblioteca quedou engalanada terrroríficamente para a ocasión. Ademáis todos os cursos coñeceron a nova mouchiña Edelmira que se presentou en lingua de signos. Aquí tendes os vídeos que montamos coas actividades de cada día.

 O luns xuntáronse 1º e 5º de primaria

 
O martes 2º e 6º

 

O mércores 5º de infantil e 4ºB

 
O xoves 6º de infantil e 3º

 
E o venres 4º de infantil e 4º A

 

OS ALUMNOS DE 1º PLANTAMOS BRECOL

Durante o inverno, os alumnos de 1º plantamos brecol no noso horto escolar. Primeiro fixemos os buratos, botamos abono, metemos a planta e recheamos con terra. Finalmente regamos e agora a crecer.

HORTO 1º BRECOL

Letras Galegas 2017

Este ano 2017 adicouse o Día das Letras Galegas a Carlos Casares.

No Párroco foron diversas actividades as que fixemos coma homenaxe especial arredor da súa figura.

Carlos Casares fixo a primeira tradución do famoso libro de Antonine de Saint-Exúpery publicada en 1943 Le petit prince á nosa lingua galega "O principiño" e tamén adicouse a coleccionar a nivel personal exemplares do libro. Deste xeito no Párroco decidimos montar unha exposición, en colaboración coas familias, dunha chea de "Principiños" en diferentes linguas e diversas edicións (algunhas delas ben antigas). Todos estes libros locen na entrada do colexio acompañadas dun fermoso mural e debuxos do personaxe principal feito polos nenos e nenas de 1º de primaria, quedando así á disposición de todos aqueles que os queiran desfrutar.

Outra actividade nestes días adicados as Letras Galegas foi "Colle o libro e corre" para que todo aquel que o desexe no tempo do recreo ou mesmo na hora de ler poida achegarse libremente á lectura dalgunha das seis obras de Carlos Casares dirixidas ao público máis novo collendo unha das maletiñas preparadas para tal fin. na que ademáis do libro aparece unha folla para que os lectores deixen a súa sinatura.

Por último e como actividade conxunta de todo o colexio fixemos un libro en gran formato no que nas aulas, logo da lectura e análise da obra, fixemos de xeito cooperativo unha peculiar interpretación plástica da obra a Galiña Azul para logo converterse nun libro viaxeiro para que todos os cativos disfruten destas obras. 

Aquí tendes o arquivo do noso libriño.

Open publication - Free publishing

Celebramos o día do libro cos apadriñamentos lectores

O venres 28 de abril e para celebrar o día do libro, unha vez máis a oportunidade de desfrutar da lectura xuntos no patio. Esta é unha desas actividades que chegou hai algúns anos ao noso cole para quedarse e que da gusto repetir un ano e outro. Para os de tres anos é a súa primeira experiencia, que viven cunha mestura de medo e curiosidade. Os demais lembran as experiencias doutros cursos e marchan confíados e contentos.

Os padriños e madriñas tiñan, este venres pasado, todo preparado para marchar canda os seus afillados e afilladas cara algún recunchiño do patio e alí, co agarimo do sol que nos agasallou neste día de finais de abril, ler tódalas historias que coubesen nun anaquiño de lecer. Os padriños e madriñas -e moitos dos seus valentes afillados que tamén quixeron ler para eles- puxeron o corazón nesas lecturas e adicáronse con empeño en facer desfilar palabras e historias no medio dun doce marmurio. Mágoa que non se escoite nas fotos!. 

Do marmurio pasamos, despois dun longo tempiño, ao balbordo, ás carreiras, ás risas... porque os pequenos non quixeron desaproveitar a oportunidade de compartir tamén xogos cos seus compañeiros maiores.

padrinoslectores2017 - Kizoa Editar Videos - Movie Maker

Visita de autor en 1º e 2º: "O cociñeiro Martiño"

O luns, 3 de abril, os nenos e nenas de 1º e 2º recibimos na escola unha visita moi especial… Iago López, o escritor do “Cociñeiro Martiño” estaba na biblioteca ataviado coas súas mellores galas para contarnos ese conto que levabamos tempo traballando nas nosas aulas. Foi emocionante participar na dramatización da historia e converternos por uns intres nos personaxes dun mundo cheo de maxia e encanto. Rematamos coa sinatura e a dedicatoria de Iago en cada un dos nosos exemplares (incluído o do cole). Unha mañá diferente…

Visita de autor en 1º e 2º: " O cociñeiro Martiño" - Kizoa Editar Videos - Movie Maker

TRADICIÓNS GALEGAS: O APALPADOR

O Apalpador representa a tradición máis senlleira da conca alta do Miño, na zona do Courel, e baixa a apalpar as barriguiñas dos nenos na noite do  21 de Nadal. No cole desfrutamos do seu bó facer todos xuntos en dúas sesións matinais o martes 20; primeiro os máis pequenos e despois os maiores. Mágoa que estivera un pouco maliño...e que no inverno xa se sabe!. Aínda así conseguiu tirar por nós e facernos desfrutar coas súas cousiñas. Foi un intre verdadeiramente máxico. Aquí deixámosvos as fotos.

O APALPADOR - Kizoa Editar Videos - Movie Maker

HORTO ESCOLAR

UN ANO MÁIS TRABALLAMOS NO HORTO ESCOLAR Como todos os anos, continuamos co noso traballo no horto escolar. Este curso, o tempo non axudou demasiado. Aínda así, plantamos no inverno rabanitos e cebolas e na primavera tomates. Esta actividade está dentro do proxecto FROITA NA ESCOLA. O noso obxectivo e que os alumnos aprendan a ter hábitos de comida saudables, coman máis froitas e verduras e non teñan unha vida sedentaria. Os alumnos de 3º e 2º plantamos e recollemos cebolas e os alumnos de 4º tamén plantamos rabanitos. Agora, na primavera, xa botamos uns tomatiños.

HORTO ESCOLAR - Kizoa Editar Videos - Movie Maker

CONTOS DO MEDIO

Hoxe xoves, día 28 de maio, os nenos e nenas de 2º tivemos un encontro moi interesante na biblioteca da nosa escola. Explicáronnos unha morea de cousas sobre a flora e fauna da nosa terra, máis en concreto, dalgunhas especies que habitan no esteiro do río Miño na Guarda. Con estes personaxes tan interesantes e tan cercanos a nós comezou un conto marabilloso sobre a chegada da cerceta a Galicia…

Por certo, sabedes o que é a cerceta?

LEOCADIO, O LEÓN

Estes días andabamos moi atarefados lendo nas nosas aulas un libro titulado “Leocadio, o león”. A verdade é que estaba moi interesante xa que, pouquiño a pouco, fomos colléndolle cariño a ese leonciño que ía trazando a súa historia tan preto de nós. Despois de rematalo e, coincidindo co Día do Libro, recibimos un agasallo na biblioteca da escola que nos encheu de ilusión e emoción. Alí estaba Oli, o escritor do conto ao que lle adicamos tantos momentos na clase, compartindo connosco a súa traxectoria como escritor. Falounos de Leocadio e doutros moitos libros que tiña escritos, pero o máis emocionante foi cando nos ensinou o borrador da súa próxima historia que pronto estará nas librarías. Tamén nos relatou contos marabillosos e amosounos moitos tesouros que traía agochados no seu maletín. Para rematar asinounos os nosos exemplares e mesmo o da biblioteca do cole. Un pracer ter compartido con el este tempo.

VISITARON O NOSO CENTRO OS XOGADORES DO CELTA DE MÉXICO Cinco xogadores de fútbol, invitados polo R.C.Celta visitaron o colexio. A súa cidade de orixe e Campeche, en Mexico. Tiñan entre 10 e 12 anos e eran os xogadores máis destacados dos equipos que ten o Celta en Mexico. Estiveron invitados polo clube durante tres semanas para xogar e adestrar co equipo da nosa cidade. Visitaronnos o xoves, 9 de abril e fixemos con eles unha actividade na biblioteca para os alumnos de 3º,4º, 5º e 6º de Primaria, na cal explicaron moitas cousas interesantes do seu país: onde estaba Campeche, a súa situación xeográfica, cal é a súa gastronomía, a moeda, a bandeira, o clima, os estados, a capital... E logo tamén contaronnos cousas dos seus centros escolares e da súa actividade deportiva. Para rematar, saimos con eles ao patio e organizamos uns partidiños de fútbol. Grazas a Dichi, Oswaldo, Johan, Braulio e Lenin por estar connosco e ensinarnos tantas cousas do seu país. E grazas tamén ao R.C. Celta por compartir con nós a estes estupendos xogadores de fútbol.