4º, 5º e 6º visita DIVERSA

O pasado venres, os alumnos e alumnas de 4º, 5º e 6º visitamos DIVERSA. A Mostra Internacional da Ilustración Contemporánea na sede do teatro Afundación de Vigo.

Unha saída moi especial na que nos mergullamos de cheo na arte: observamos, sentimos e creamos grazas as nosas guías que fixeron que o percorrido polas salas fose único.

Dividímonos por grupos e cada un observou, creou e explicou unha das sala. Tiñamos ilustracións nas que a protagonista era a natureza, outras resaltaban a diversidade cultural, a fantasía e a imaxinación, as cores e emocións, os erros como oportunidades...

Sen esquecernos do momento obradoiro-taller no que fomos verdadeiros artistas, creando collage e "plasticolegas".

Aquí deixamos un pequeno vídeo e unhas imaxes que ilustran algúns momentos da saída!

     

 

Creatividade sen fronteiras!

 

Os nenos e nenas de 1º, 2º e 3º de primaria gozaron onte da mostra Internacional Contemporánea “ Diversa” non teatro Afundación. Tiveron contacto con ilustracións de diferentes formatos como cadros, arxila, vídeo, tápiz, teas, etc. Adentráronse de xeito ameno e divertido na sala de exposicións, puidendo admirar  obras de arte de índole diverso. Para isto mergulláronse nun xogo onde debían atopar as chaves que abrían os cadeados de 5 universos: a chave verde (universo dá natureza) no que descubriron a importancia e coidado dá natureza a través dun xogo de reciclaxe; a chave vermella (universo dás cores e emocións) creando un xardín dás emocións pintando unha flor co estado de ánimo; a chave laranxa (universo viaxeiro) que mostra a diversidade de persoas e lugares por medio dá creación dunha ilustración; a chave azul (universo dá imaxinaxión e fantasía) o cal é unha poderosa ferramenta de pensamento e expresión. Finalmente obtiveron a chave rosa que lles abriu o universo de ser artistas creando plasticolegas nun cosmos onde a beleza está en SER DIFERENTES.

O BOSQUE DAS FADAS

 Érase unha vez un bosque no que vivían unhas fermosas fadas. Cada unha tiña unha casiña e pola ventá podía axexar, ulir e escoitar toda a beleza que as arrodeaban. Nós, que somos aire e somos bosque, e formamos parte deste noso fermoso bosque, tamén axexamos, ulimos e escoitamos dende as nosas xanelas. 

O proxecto colorista que tiñamos para rematar o curso enchendo o xardin de fadas e casiñas non puido sair adiante. A chuvia non nos deu tempo a montar todo. Aqui deixamos algunhas das casiñas feitas. Seica a principio de curso podemos facer unhas novas e encher o xardín de maxia!

DETECTIVES NA ARTE

 No día de onte, o alumnado de 3º e 4º puidemos redescubrir a arte nunha auténtica misión no Museo de Pontevedra. Pasamos de ser simplemente espectadores a verdadeiros detectives 🕵 🕵‍♂🖼🎨👩🏽‍🎨🧑🏼‍🎨

Cos nosos cadernos 🗒 e os ollos ben abertos 👀, fomos descubrindo obras e artistas. Pintura, escultura, figurativa ou abstracta. Todas elas transmitían algo que espertaba sensacións en nós 💞

Unha xornada lúdica que pon fin ao noso curso de educación artística 🖌

ARTE CON FLORES EN 4 ANOS

 Os nenos e nenas de 4 fixeron con elementos naturais uns preciosos cadros de primavera. Un xeito emocionante de achegarnos ó noso medio.

VISITA MUSICAL DE 5º E 6º AO MUSEO QUIÑONES DE LEÓN

 

O martes 16 de abril, os alumnos de 5º e 6º de educación primaria gozamos dun concerto ofrecido polos mestres/as da Escola Municipal de Música de Vigo.

Presentaron o concerto con diferentes xéneros musicais e, ao mesmo tempo, ían narrando historias, misterios e curiosidades do Pazo Quiñones de León.

Museo na aula de ARTS

Antes das vacacións, a aula de 4ºEP transformouse nun auténtico museo . 

Os nenos e nenas de 4º invitaron aos seus compañeiros de ciclo, 3ºEP, e a todo infantil, para compartir con eles e elas as obras de arte creadas neste trimestre . 

Puxeron moito esforzo e moita ilusión, e ademais foron grandes presentadores das súas obras . 

Os invitados non se puidaron portar mellor , escoitando  e amosando moita curiosidade  por estas esculturas tan orixinais  

Grazas pola visita! O Museo abrirá outro día!

MÚSICA NO MARCO: UNHA VIAXE POR LAXEIRO

 O venres 10 de marzo, os nenos e nenas de 2° de Primaria asistiron ao concerto didáctico "Unha viaxe por Laxeiro" no Museo de Arte Contemporáneo  de Vigo. Consistiu nun percorrido sonoro e visual polas salas da exposición de Laxeiro, a cargo de profesorado da EMM Escola Municipal de Música en colaboración  coa área de Didáctica do MARCO. Foi moi interesante e pasárono moi ben!

AS REDEIRAS E MARIA ANTONIA DANS NA CELEBRACIÓN DA PAZ

 Maria Antonia Dans é a pintora homenaxeda neste 2023 no Día da Ilustración en Galicia. Nós, ao tempo que celebramos o Día da Paz rematando os obradoiros Tecendo Redes coa construción colaborativa e compartida do mural da entrada, fixemos un aceno á esta descoñecida pintora, dando a coñecer un dos seus coloridos cadros e coñecendo un pouquiño da súa vida.

 

Tedes no blog de biblio o relato de toda a  semana e da xornada de hoxe