Amosando publicacións coa etiqueta art-lab. Amosar todas as publicacións
Amosando publicacións coa etiqueta art-lab. Amosar todas as publicacións

sábado, 30 de maio de 2026

Pintamos o Drac do Parque Güell

O alumnado converteuse en auténticos artistas coa creación das súas versións do famoso Drac do Parque Güell, unha das obras máis coñecidas de Antoni Gaudí.

Despois de descubrir curiosidades sobre este emblemático dragón e sobre o estilo artístico de Gaudí, os nenos e nenas experimentaron con diferentes técnicas plásticas para dar vida ás súas creacións.

Empregaron pintura, combinacións de cores e técnicas inspiradas nos mosaicos característicos do artista, como os trencadís, conseguindo traballos moi creativos, coloridos e cheos de personalidade.

A actividade permitiulles coñecer mellor a arte modernista e experimentar coas posibilidades da expresión artística a través de diferentes materiais e formas de pintar.

O resultado final foi unha exposición de dracs únicos e orixinais que encheron as aulas de cor e imaxinación. Parabéns polo fantástico traballo realizado!





Murais inspirados nas obras de Gaudí

O alumnado de Primaria achegouse ao universo creativo de Antoni Gaudí a través da realización de murais inspirados nalgunhas das súas obras máis coñecidas, como o Capricho, a Sagrada Familia ou a Pedrera.

Primeiro descubrimos quen foi Gaudí e observamos as formas, as cores e os detalles tan característicos da súa arquitectura. Chamounos especialmente a atención o uso das liñas curvas, os mosaicos e a inspiración na natureza presentes nas súas creacións.

Despois, empregando témperas e moita creatividade, os nenos e nenas elaboraron grandes murais nos que reinterpretaron estas emblemáticas obras arquitectónicas. 

Con esta actividade, o alumnado puido coñecer mellor a arte e a arquitectura modernista, ao tempo que desenvolveu a expresión artística, a observación e o traballo cooperativo.







Bocetos da Golden Gate Bridge

Seguimos descubrindo o fascinante mundo da arquitectura e dos grandes monumentos dos Estados Unidos coa realización de bocetos da famosa Golden Gate Bridge.

Inspirados pola nosa auxiliar de conversa americana, o alumnado observou e analizou as características desta coñecida ponte: a súa estrutura, as liñas, as torres...

Despois da fase de observación, chegou o momento de converterse en artistas e deseñadores. Os nenos e nenas realizaron diferentes bocetos nos que traballaron as proporcións, os detalles e a perspectiva para representar a ponte do xeito máis realista posible.




A actividade permitiulles desenvolver a capacidade de observación, a precisión no debuxo e a creatividade, ao mesmo tempo que coñecían un dos símbolos máis representativos de San Francisco.

O resultado foi unha colección de traballos moi coidados e cheos de talento.

Creamos o noso Empire State Building

O alumnado de 1º, 2º e 3º de Primaria participou nunha actividade moi creativa xunto coa nosa auxiliar de conversa, achegándose a un dos edificios máis famosos dos Estados Unidos: o Empire State Building.

Primeiro descubrimos curiosidades sobre este emblemático rañaceos de Nova York, a súa altura, a súa historia e a importancia que ten na cidade. Despois, os nenos e nenas puxeron en marcha toda a súa imaxinación para realizar debuxos e creacións inspiradas neste famoso edificio.

Con moita ilusión, empregaron caixas para crear o seu propio Empire State Building.

Ademais de aprender sobre arquitectura e cultura americana, esta actividade permitiulles practicar vocabulario en inglés e desenvolver a expresión artística dun xeito divertido e motivador.












Mosaicos con simetría radial en Arts

O alumnado de 5º de Primaria puxo en marcha toda a súa creatividade cunha actividade artística moi especial: a creación de mosaicos seguindo unha simetría radial.

Empregando materiais reciclados como cartón e rolos de papel hixiénico, os nenos e nenas deseñaron composicións cheas de formas, equilibrio e cor. Primeiro descubriron que é a simetría radial e observaron exemplos presentes na arte, na natureza e na arquitectura. Despois, chegou o momento de experimentar e crear as súas propias obras.

A partir de pequenas pezas elaboradas cos rolos e o cartón, foron construíndo mosaicos orixinais nos que todas as formas se organizaban arredor dun punto central, creando efectos visuais moi atractivos e sorprendentes.

Con esta actividade, ademais de traballar conceptos artísticos e xeométricos, o alumnado puido desenvolver a creatividade, a precisión e a importancia da reutilización de materiais para crear arte.

O resultado final foi unha colección de mosaicos moi coloridos e cheos de imaxinación.



Construímos a nosa propia Golden Gate Bridge

No cole convertémonos en auténticos enxeñeiros e enxeñeiras coa creación dunha maqueta da famosa Golden Gate Bridge dos Estados Unidos, inspirados pola nosa auxiliar de conversa americana.

Antes de comezar a construción, investigamos e descubrimos moitas curiosidades sobre esta emblemática ponte: onde está situada, como é a súa estrutura...



Despois chegou o momento de poñernos mans á obra. Por equipos, analizamos a estrutura da ponte e deseñamos cada unha das pezas necesarias para a súa construción. Pouco a pouco, fomos unindo o traballo de todos e todas ata conseguir unha espectacular ponte vermella que nos deixou moi orgullosos.



 

Con esta actividade traballamos a creatividade, a cooperación e a capacidade de planificación, ademais de achegarnos á cultura e aos lugares máis coñecidos dos Estados Unidos dunha maneira moi divertida e práctica.

Parabéns ao alumnado polo gran traballo realizado e pola fantástica maqueta conseguida!

luns, 18 de maio de 2026

APRENDENDO CON GAUDÍ

As nenas e nenos de 1º do cole mergullámonos na vida e obra do grandísimo arquitecto Gaudí, para comprender e aprender das súas técnicas e enxeño. A través de diferentes actividades descubrimos moitas das súas obras e fomos quen de inspirarnos nel para facer as nosas propias creacións…

Unha grande experiencia na que a imaxinación, a diversión e a arte mesturáronse para facer da aprendizaxe algo moi especial…









mércores, 13 de maio de 2026

SAÍDA AO MUSEO DO MAR

 Este mércores, día 13 de maio, o alumnado de Infantil, 1º e 2º de Primaria realizaron unha saída didáctica ao Museo do Mar de Galicia para coñecer e adentrarse un pouquiño no estilo de vida da Prehistoria. Durante a visita puideron entrar nunca cova prehistórica e observar diferentes aparellos que usaban naquela época, como obxectos de caza ou cunchas e dentes para facer abalorios.

Ademáis, participaron nun interesante obradoiro no que elaboraron unha cunca de barro, igual que facían os nosos antepasados… As nenas e nenos gozaron moito da experiencia e aprenderon dun xeito diferente cómo era a vida na Prehistoria.











xoves, 7 de maio de 2026

MAIO


"A primavera xa chegou, e flores frescas nos deixou". "O MAIO  xa está feito". Esta festa tradicional e popular galega é para celebrar o renacer da natureza despois do ciclo de inverno,simboliza a vitoria da vida, o florecemento e a ledicia polo aumento da luz solar. Ao longo destes días disfrutaremos arredor del con cantos, coplas e bailes.

Moi boa colaboración por parte das familias,que sempre nos apoian coas nosas propostas.


As nenas e nenos de infantil disfrutamos bailando coa nosa pequena copla arredor do maio. Encantounos axudar aos maiores a  elaborar este fermoso maio. Axúdanos a comprender esta nova esta nova parte do ano  de maneira lúdica,  participando así nesta festa tradicional.

venres, 20 de febreiro de 2026

UN ENTROIDO ARTÍSTICO E CREATIVO

Este Entroido no cole foi moi especial 🎭✨

A partir da lectura dos libros Non pare a festa e É tempo de Entroido, decidimos dar un paso máis e converter as páxinas en realidade organizando un Entroido tradicional galego na nosa escola.



Inspirándonos nos traxes de diferentes lugares de Galicia que descubrimos nas páxinas e ilustracións destas lecturas, puxémonos mans á obra para elaborar os nosos propios traxes. 

Foi unha actividade plástica e creativa que permitiu dar forma a un Entroido cheo de identidade e alegría.

Pero ollo! isto non vai só de arte e creatividade. Esta proposta permitiunos tamén desenvolver importantes habilidades:

✂️ Motricidade fina: recortando, pegando, debuxando e manipulando distintos materiais.


📏 Matemáticas: a través da medición, o uso da regra, o cálculo de tamaños e proporcións para que cada elemento encaixase perfectamente.


🤝 Traballo cooperativo, axudándonos uns aos outros e compartindo ideas.


Ademais, foi unha oportunidade marabillosa para coñecer e valorar as nosas tradicións e a nosa cultura, entendendo o significado do Entroido en Galicia e a importancia de manter vivas estas celebracións.


Aprender creando, medindo, imaxinando e celebrando xuntos… Así dá gusto festexar o Entroido! 🎉


venres, 13 de febreiro de 2026

OBRADOIROS DE ENTROIDO COAS FAMILIAS

 Temos moita sorte ! No noso cole as familias son moi colaboradoras. En infantil montamos un taller para a elaboración de disfraces  e iso axudou moito a que o traballo fose adiante.

Esperamos que saia o sol para facer un bonito desfile ata o torreiro , e así poder facer partícipes as persoas do barrio e da comunidade do noso entroido con traxes tradicionais .



sábado, 7 de febreiro de 2026

GAUDILANDRO: un meco moi especial


Entre todos os cursos do cole demos forma este ano a un meco moi especial, inspirado no famoso Drac do Parque Güell, creación de Gaudí. 

Foi unha proposta creativa e colaborativa na que participou todo o alumnado, combinando a cor e a alegría do entroido co PDI, as artes plásticas e o traballo en equipo. 

Ao longo de varios días fomos deseñando, montando e decorando este meco ata conseguir darlle vida a esta figura tan vistosa. 

Agora xa está listo e preparado para acompañarnos e marcarnos os mandatos da semana da Troula!

Que comece a festa!




venres, 19 de decembro de 2025

Christmas ornaments in Art class

 Neste mes de decembro as nosas aulas de Arts 🎨 transformáronse nuns recunchos para crear o noso tradicional adorno de Nadal  🎄.

Ademais de levar un bonito recordo, desenvolvemos a nosa creatividade 💡para facer creacións orixinais e respectuosas co medio 🌍, pois moitos destes adornos están feitos dándolle unha nova vida ♻️ a restos de papeis, cartón de caixas, rollos de papel hixiénico… 




Non nos digades que non temos o cole cheo de artistas 🧑🏼‍🎨 👩🏽‍🎨 👨🏼‍🎨!






domingo, 9 de novembro de 2025

PLANTANDO ÁRBORES CON PINCEIS



O pasado venres, os cursos de primaria unímonos para plantar árbores con pinceis... Non pensedes que isto vai unicamente de pintar... pois expertas trouxeron ao noso cole unhas pinturas fotocatalíticas que absorben e depuran os contaminantes que hai no aire... como se tivésemos árbores! Alucinante, non si!?

Os de 5º e 6º estivemos pintando un mural con estas pinturas sostibles nunha das paredes do patio cuberto.


Os de 4º participamos nun obradoiro de estampaxe. Realizamos, en equipo,  un padrón relacionado co coidado do medio ambiente e o estampamos nalgúns lugares do centro para compartir a mensaxe. Tamén estampamos o padrón do Proxecto O mar empeza aquí, unha campaña para visibilizar que o que se lanza nas rúas ou na rede de sumidoiros, pode acabar directamente no mar. Por todo isto, estampamos este padrón nun dos sumidoiros que hai no centro.


Por último, os de 1º e 2º estivemos pintando bolsas de tea con pinturas non contaminantes.


Aquí podedes vernos a todos e todas en acción!


 





luns, 20 de outubro de 2025

4º, 5º e 6º visita DIVERSA

O pasado venres, os alumnos e alumnas de 4º, 5º e 6º visitamos DIVERSA. A Mostra Internacional da Ilustración Contemporánea na sede do teatro Afundación de Vigo.

Unha saída moi especial na que nos mergullamos de cheo na arte: observamos, sentimos e creamos grazas as nosas guías que fixeron que o percorrido polas salas fose único.

Dividímonos por grupos e cada un observou, creou e explicou unha das sala. Tiñamos ilustracións nas que a protagonista era a natureza, outras resaltaban a diversidade cultural, a fantasía e a imaxinación, as cores e emocións, os erros como oportunidades...

Sen esquecernos do momento obradoiro-taller no que fomos verdadeiros artistas, creando collage e "plasticolegas".

Aquí deixamos un pequeno vídeo e unhas imaxes que ilustran algúns momentos da saída!