Tamén na clase de 5 anos puxémonos á tarefa cun mundo de xestas, algúns fiunchos, calas e outras flores. Mágoa que a abonda chuvia da fin de semana fixo que non puidesemos ir ó monte a gusto e que as xestas enseguidiña se murchasen. Aínda así fomos quen de intentalo e cumprir a tradición.
Para nós o mellor non foi o resultado, un maio moi amarelo e xesteiro, senón ser quen de monta-la estrutura, traballando manipulativamente lonxitude, xeometría e volume. Ademais cortamos as xestas para facer os mollos e ir enchendo a estrutura. Chegou o intre de marchar para casa e deixámolo así. As calas, dedaleiras e varas de san antonio víanse moi bonitas no floreiro e decidimos non colocalas. Quen sabe! o mellor un día destes, agora que veu o solciño, volvemos co maio e poñemos máis flores e facemos colares de pampillos!.
.jpeg)
