Xa pasado o entroido e tras ver as caras de sorpresa das nosas familias tras tal desfile de METEOROS... É hora de que agradezamos a enorme axuda que tivemos en 3ºEP!
Grazas mamás, papás e avoas por acompañarnos nunha tarde de traballo e diversión entre teas, tesoiras e papeis!
Foi un ratiño estupendo e un gusto preparar as pezas do noso disfrace con vós! A ver se voltades pronto a nosa aula!
Aquí deixamos un pequeno vídeo que recolle eses momentos de axuda e colaboración !
Os nenos e nenas de infantil de 3 e 4 participamos na celebración das festas de primavera tradicionais elaborando coa axuda das familias o noso propio maio. O primeiro día que recibimos aportacións florais non había xestas abondo para "forrar" a estrutura; daquela aproveitamos a facer un mandala floral. Xa o fixeramos o curso pasado e os de 4 queriamos amosarlles os cativos de 3 como se facía. Quedounos moi aqueladiño e xa que estabamos fóra aproveitamos a plantar unhas leitugas!
.jpeg)
Días despois, en dúas mañás consecutivas achegámonos á entrada do noso cole para colocar na estrutura as xestas, os fiunchos, fentos e flores diferentes que trouxéramos da casa. Foron dúas mañás gozando da natureza e aproveitando os recursos naturais para desenvolver a nosa arte e recuperar tradicións. Despois bailamos e cantamos a corro arredor do noso maio. Pasámolo moi ben.
Mágoa que o tempo non acompañou e a chuvia deses primeiros días de maio fixo que non poidesemos traer tanto material vexetal coma outros anos. Non houbo problema! Fomos quen de facer un maio estupendo!
Biba e a súa familia desfrutaron moito probando o experimento do volcán. Sinxelo e espectacular!.
Graciñas, científicas!
Sienna e Alana (2º de primaria e 3 anos) participan na recollida de xoguetes tradicionais e con reciclaxe construindo un tiracroios ou tiratacos; un xoguete de sempre. Aquí nolo amosan. Que ben o fixestes, grazas!
Abril (5 anos) e Julián (3º de primaria) festexan a primavera co seu estupendo maio e ademais atrévense cun superreto artístico...recrean un cadro de Laxeiro. Que ben!
A Lois encántanlle os dinosaurios. Cando decidiu facer o maio na casa tíñao claro: quería facer un dinosaurio. Así xurdiu unha nova especie. Que nome lle imos por? Apuntarémolo na listaxe de dinos!
Héctor de 1º súmase as actividades compartidas polas familias participando na feitura de receitas. El atreveuse coas filloas. Mirade que boa pinta teñen, aínda que nos falta a proba!!! Vas ser un estupendo cociñeiro, Héctor!
Sienna e Alana tamén comparten e len o seu conto favorito OS FANTASMAS NON PETAN NA PORTA.
Un conto estupendo! Bravo por elas!
Alana e Sienna (3 anos e 2º de primaria) pasaron unha estupenda tarde facendo este precioso maio. Con ollos e sombreiro!!! Parabéns!
Xián e Noa (3º de primaria e 5 anos) son os primeiros en achegarnos a foto do seu maio. Que ben comezaron o mes cumplindo coa tradición! Parabéns!
Xa estamos preparados para vos ensinar as fotos dos nenos de 4 anos que quedaron esquecidas no cole. Como vedes cupliron moi ben os mandados de gadoupa tola!!
O Entroido e maila Troula xa veñen aí e para que non perdamo-lo tren da festa imos anunciando xa quen é o noso Meco2022 e que temos que traer ao cole na Semana da Troula. Lembrade que será na semana do luns 21 de febreiro ata o venres 25 de febreiro...Troula e festa rachada!!!
DESCARGA AQUÍ O PDF COS MANDADOS
Lara (1º de primaria) e Claudia (4º de primaria) pasaron a xornada das Letras Galegas recollendo flores e construindo o seu propio maio. Pasárono fenomenal. Estupendo!
Paula de 4º de Primaria envía dende casa a súa lectura dun conto de Gianni Rodari traducido por Xela Arias.
Julia de 5 anos e a súa familia desfrutaron moito facendo este maio. Flores e fiunchos...un festival de cheiros!
Ada (2º de primaria), Noa (4º de primaria) e o seu pai len as bruxas de Roald Dahl traducido por Xela Arias, autora homenaxeada nesta vindeira celebración do Día das Letras Galegas.
Noa (4º de primaria) e Ada (2º de primaria) celebraron os maios descubríndo nun saudábel paseo polo monte as herbas e arbustos protagonistas desta festa. Ademáis de desfrutar coa lectura e a música do poema "Aí ven o maio" de Curros Enríquez ,que sempre ven á nosa memoria nestas datas. Como elas mesmas contan...
"... desfrutamos dun fermoso paseo polo monte. Apañamos xestas, pendurámolas do noso coche para afastar o mal de ollo e os meigallos e traer bonanza nestes tempos.
