Neste mes de decembro as nosas aulas de Arts 🎨 transformáronse nuns recunchos para crear o noso tradicional adorno de Nadal 🎄.
Ademais de levar un bonito recordo, desenvolvemos a nosa creatividade 💡para facer creacións orixinais e respectuosas co medio 🌍, pois moitos destes adornos están feitos dándolle unha nova vida ♻️ a restos de papeis, cartón de caixas, rollos de papel hixiénico…
Non nos digades que non temos o cole cheo de artistas 🧑🏼🎨 👩🏽🎨 👨🏼🎨!
Os nenos e nenas de 4º imos cartear co CEIP A Canicouva, un xeito divertido de practicar a expresión escrita.
Despois de todo o proceso: borrador, carta, destinatario, remitente... por fin chegou a hora de enviar as cartas! Ademais, como as van recibir nesta época chea de maxia, engadimos unhas postais para desexarlles unhas boas festas!
Os nenos de 2º disfrutaron botando as súas postais navideñas ao buzón que está á entrada do cole. Cada un fixo a súa postal destinada a un compañeiro da propia clase, despois de facer un sorteo secreto.
Eles mesmos foron os creadores das postais, de poñer os remites e destinatarios, así como de pegar o selo para que chegue ao destino.
Están todos desexando saber quen será o que lles felicitará as festas! Qué emocionante!
Ademais de ir colocando nos nosos corredores tódolos homiños que nos enviedes imos ir publicando as vosas creacións e doces de nadal que nos vaiades enviando. Imos facelo dentro desta presentación
Sara de 3 anos é a primeira que fixo o seu homiño en familia para compartir connosco. Graciñas por abrir camiño. Animádevos! O corredor da entrada xa está case preparado para acubillar a todos.
Despois da nosa experiencia cociñeira coas cabazas e sobremesas de Samaín, chega o tempo de Nadal. O obradoiro Metidos en fariña, incluido no noso PDI, pon en marcha a cociña de Nadal con esta proposta arredor das sobremesas deste tempo. Mil e unha fariñas (trigo, millo, améndoa, ...) están xa preparadas para formar parte das vosas propostas culinarias. Daquela, facede en familia, tirade fotos ou vídeo e se podedes mandádenos a proba; ademais de gozar e comer en familia! E aproveitade a ler contiños de Nadal!
Para reforzar o traballado nesta fin de trimestre sobre a celebración na que estamos mergullados achegamos este resumo con algunhas cousiñas feitas por nós e outras curiosidades na nosa lingua propia.
Sen esquecer que toda a música publicada aquí, e atopada en internet, ten o seu dono, fixemos esta presentación para facer máis doada a localización da mesma para as nosas actividades educativas e acadar o obxectivo de recuperar a música, tradicional e moderna, de nadal en galego.
As aulas de 4º de primaria e 3 anos animáronse a seguir a proposta da biblio de recuperación de panxoliñas e atrevéronse a cantalas para todos. Bueno, uns cantaron máis ca outros! Graciñas a todos!
PANXOLIÑA DE 4º DE PRIMARIA
PANXOLIÑA 3 ANOS
No blog da biblio tedes polo miúdo moitas das cousas que ocuparon o noso tempo na escola neste final de trimestre.
