INTERCAMBIO CO CEIP ALTAMAR

 Dentro dun programa de intercambio que puxemos a funcionar neste curso co CEIP Altamar os nenos e nenas de infantil e os de 4º de primaria puxémonos en contacto cos nenos deste cole.

Os de infantil fixemos varias videoconferencias durante as que nos puidemos presentar e falar con eles. Nun segundo intre falámoslles dos nosos proxectos de aula e intercambiamos lecturas Tamén lles gravamos un vídeo amosándolles o noso cole e o mural que temos no patio cuberto. 

Pola súa parte os de 4º de primaria tal como nos contaron no Xornal Don Moucho escribíronlle cartas ós da outra clase e agardaron impacientes as súas respostas. Na fin de curso puideron comunicarse por videoconferencia e coñecer ós que xa son os nosos amigos do Altamar. Unha experiencia chea de emoción e ledicia para todos, grandes e pequenos.

INFANTIL

4º PRIMARIA

ROBOT E LETRAS GALEGAS

 Aínda que foron varias as aulas que xogaron co robot nas Letras galegas coas plantillas que preparamos para o traballo na aula STEM, só dispoñemos das fotos dos peques de 5 anos coñecendo os autores homenaxeados en cursos pasados.

XORNAL DON MOUCHO

Disfrutádeo!

                                                           XORNAL DON MOUCHO 2022 

XOGAMOS COA CIENCIA EN GALEGO

 Tedes no blog de biblioteca o xogo interactivo feito co material pescudado e elaborado polas aulas en distintos intres do curso sobre científicos e científicas da historia dentro do noso PDI. Pasade por alí e xogade!

ENLACE AO XOGO QUEN É QUEN

UN NOVO MAIO EN FAMILIA

Biba da aula de 3 anos envíanos un novo maio feito na casa. Que bonito quedou! Que ben que sigades participando e recuperando tradicións!

SALVE... DÍA DAS LETRAS GALEGAS

 Os autores que celebramos curso a curso traen sempre a súa mochila de vida chea do amor e a loita polo noso, polas nosas tradicións e a nosa lingua. Florencio Delgado Gurriarán, ao que vimos coñecendo dende que comezou a celebración do mes das Letras Galegas, non foi menos. Ademais de expresar coas palabras as súas emocións, transmítenos o amor polo galego e por todo o que é de noso.

Este poema adicado á bandeira galega dá boa conta disto.

OS XOGUETES DOS AVÓS...SIENNA E ALANA

 Sienna e Alana (2º de primaria e 3 anos) participan na recollida de xoguetes tradicionais e con reciclaxe construindo un tiracroios ou tiratacos; un xoguete de sempre. Aquí nolo amosan. Que ben o fixestes, grazas!

VISITA DE ÉRICA ESMORÍS

Patio de luces, este é o título do último libro que limos xuntos na escola. A súa autora, Érica Esmorís, visitounos o martes día 10 de maio para compartir con nós a historia que se agocha detrás desta marabillosa historia. Un confinamento, vellos recordos da nenez, un edificio de veciños, un porteiro entrañábel... E para nós, os nenos e nenas de 3º e 4º, un pracer escoitala e aprender... Mil grazas.

 

UN MAIO E UN CADRO... DE ABRIL E JULIÁN

 Abril (5 anos) e Julián (3º de primaria) festexan a primavera co seu estupendo maio e ademais atrévense cun  superreto artístico...recrean un cadro de Laxeiro. Que ben! 

"COMO FIXEMOS" O NOSO MAIO

 Os nenos e nenas de infantil quérenvos amosar como fixeron o seu maio.

O MAIO DE LOIS

 A Lois encántanlle os dinosaurios. Cando decidiu facer o maio na casa tíñao claro: quería facer un dinosaurio. Así xurdiu unha nova especie. Que nome lle imos por? Apuntarémolo na listaxe de dinos!

MESA DE LUZ E COMPOSICIÓNS PROPIAS NOS MAIOS

 Ademáis de todo o feito cos compañeiros de infantil na aula de 3 anos traballaron as palabras relacionadas cos maios na mesa de luz e fixeron as súas propias composicións vexetais no papel. Outro xeito distinto de vivir a tradición dos maios!

O MAIO DE INFANTIL

 Chegado o mes de maio e coa colaboración das familias pasamos o luns e martes cumplindo coa tradición e preparando o noso maio colaborativo. Por quendas fomos achegándonos ao porche e pasamos o tempo colocando as xestas na estrutura, atando os fiunchos e ensartando pampullos no arame e no fío. Para rematar puxemos as preciosas flores que trouxemos entre todos. 

Deunos moito traballo, pero  cando o miramos rematado quedamos abraiados e moi satisfeitos. Nada mellor entón que bailar en cantar arredor do noso maio lembrando tamén as palabras dalguns dos nosos poetas como Florencio Delgado a quen se lle adican este ano As Letras Galegas.

                                                                 MAIO LONGO

AÍ VÉN O MAIO!

HÉCTOR E AS FILLOAS

 Héctor de 1º súmase as actividades compartidas polas familias participando na feitura de receitas. El atreveuse coas filloas. Mirade que boa pinta teñen, aínda que nos falta a proba!!! Vas ser un estupendo cociñeiro, Héctor! 

EXCURSIÓN ÁS ILLAS CIES CON 5º P

E chegou o gran día! O 3 de maio os alumnos de 5º P foron de excursión as illas Cies grazas a gañar unha viaxe no concurso "As illas nas túas mans" 

O artista principal da "gaivota patiamarela"  foi David Lago coa axuda de Antía e Claudia. Acompañounos Grace, a nosa auxiliar de conversa estadounidense, que non deixou de falarnos en inglés, para seguir practicando durante toda a excursión.

Foi un día estupendo cheo de aventuras, natureza e diversión!

O MAIO DE SIENNA E ALANA

 Alana e Sienna  (3 anos e 2º de primaria) pasaron unha estupenda tarde facendo este precioso maio. Con ollos e sombreiro!!! Parabéns!

COMEZAN A CHEGAR OS MAIOS DAS FAMILIAS

 Xián e Noa (3º de primaria e 5 anos) son os primeiros en achegarnos a foto do seu maio. Que ben comezaron o mes cumplindo coa tradición! Parabéns!

RELATOS DE "CONTÁDESNOS UN CONTO? TAMÉN EN GALEGO

 Os nenos e nenas de 4º, aos que se lles dá de medo isto dos relatos, atrevéronse tamén a escribilos en galego!

AÍ VEN O MAIO... DE FLORENCIO