XOGANDO COA POESÍA
Coincidindo coa semana do "Día do Libro" recibimos a Anxo Iglesias e trasladounos ao proceso creativo de "Unha nova dimensión": un libro que logra que teñamos unha nova visión da poesía.
Os alumnos de 5º e 6º convertéronse en poetas pasando do punto e a liña ao plano, unindo o espazo co tempo para chegar ao verso.
Foi unha visita moi interesante!!!!
De novo chegou a data do 23 de febreiro no que homenaxeamos a nosa escritora Rosalía de Castro no día do seu aniversario. Este curso quixemos celebrar o seu día dándolle voz ós seus poemas. Que mellor que achegarnos á radio para recitalos e compartilos con tódolos nosos compañeiros!.
Os poemas escollidos tiñan que ver co noso PDI, co proxecto meteorolóxico no que traballamos este ano. A paisaxe e o clima son referentes en Rosalía. A través deles fálanos das súas emocións. Daquela, dedicámonos a ilustralos. Convertímonos en poetas-ilustradores.
Recibimos emocionadas o primeiro vídeo que nos enviades co caldiño de gloria e os versos de Rosalía. Julia de 2º de primaria atrévese a cociñar na ficción un riquísimo caldo, no que non falta a fariña, cos ingredientes da súa "horta". Ademais recítanos os primeiros versos do poema:
Miña casiña, meu lar
cantas onciñas douro me vals!
Meu lar, meu fogar
cantas onciñas douro me vals!
Parabéns a Julia e moitas grazas por este caldiño dramatizado!
Ano tras ano invitamos a tódolos nenos e nenas a recitar e ler en voz alta os poemas de Rosalía neste día tan especial. Na aula de 5 anos non o pensaron dúas veces e aproveitaron o estupendo día que fixo para celebralo ao ar libre. Noraboa! que ben o facedes!
Hoxe, 23 de febreiro, celebramos en toda Galicia o aniversario da nosa poetisa senlleira, Rosalía de Castro. Tódalas aulas están atarefadas lendo e gozando dos poemas da autora. Este curso levamos adiante dúas actividades importantes para seguir coñecendo a súa poesia.
Seguindo a proposta da AELG (Asociación de escritores en lingua galega) #sementado pensamentos, todos estamos preparando os carteis que acompañaran os pensamentos, flor preferida de Rosalía, que imos todos sementar no xardin.
Vencellando STEM e poesía, algunhas aulas xa enviaron as súas contrucións poéticas. Empezan a desfilar por aquí estes primeiros traballos, compartindo o seu tempo coa troula e mailo entroido. Mentres agardamos a rematar esta homenaxe á Rosalía e volo contamos máis todo polo miúdo, ide vendo os carteis e torres poéticas que xa están feitas.
