English class with Sofia!

Tivemos unha clase moi divertida de gramática inglesa na que repasamos e practicamos o pasado continuo dun xeito diferente. Grazas á creatividade da nosa auxiliar de conversa, puidemos aprender a través de xogos dinámicos que fixeron a sesión moito máis amena e participativa.

Durante a clase, estivemos a practicar estruturas mentres xogabamos, o que nos axudou a comprender mellor o uso do pasado continuo en distintas situacións. Sen darnos conta, estabamos a aprender e a reforzar contidos de maneira natural.

Foi unha experiencia moi positiva que demostra que a gramática tamén pode ser divertida cando se traballa con imaxinación e entusiasmo.

Un concerto de cine!

O alumnado de 3º e 4º tivemos a oportunidade de asistir a un concerto moi especial organizado pola escola municipal de música do concello e a experiencia non puido ser máis enriquecedora.

A saída permitiunos mergullarnos no fascinante mundo da música aplicada ao audiovisual. Ao longo do concerto, fomos descubrindo como a música non só acompaña as imaxes, senón que tamén lles dá sentido, emoción e intensidade. Foi sorprendente comprobar como unha mesma escena pode cambiar completamente dependendo da banda sonora que a acompañe.

Un dos momentos máis interesantes foi cando nos explicaron como se crean os sons nas películas. Aprendemos que moitos dos efectos sonoros que damos por feitos —pasos, portas, golpes ou mesmo sons da natureza— son recreados de maneira artesanal en estudio. Ver e escoitar exemplos en directo axudounos a entender mellor todo o traballo que hai detrás do cinema.

En resumo, foi unha saída moi divertida e didáctica, na que gozamos moito ao tempo que aprendemos a valorar a importancia da música e do son no mundo audiovisual. Sen dúbida, unha experiencia para repetir.

EXPOLIBRO

Celebramos a semana do libro,  con gran afluencia de público da comunidade escolar, na nosa biblioteca. Moitas grazas a editoriais como Xerais, Kalandraka, Consorcio Editorial, Vicens, Edelvives, Oqo e Cuarto de inverno que nos prestaron os seus exemplares en galego , así puidemos disfrutar deles . Fermosos libros en galego  que agachan historias máxicas e divertidas.

Sorteamos tres lotes de libros, algúns deles son agasallo das editoras e outros mercados polo centro.

Esta actividade tivo moi boa acollida. Grazas a todos por tanta ilusión.

Maxia e castañas con Lucía Mojón

Hoxe tivemos o pracer de recibir no noso colexio á escritora Lucía Mojón, quen compartiu cos alumnos de 1º e 2º de primaria unha mañá máxica chea de contos e imaxinación. ✨️🍂

Lucía presentoulles o seu conto "Biscoito de castañas" e explicoulles como xurdiu a idea para crealo. Os nenos descubriron fascinados que o libro esconde un xogo secreto que fai a lectura aínda máis divertida. A sesión estivo chea de momentos especiais: cantaron xuntos a canción do conto, deixaron voar a súa imaxinación debuxando seres monstruosos que poderían formar parte da historia, e para terminar, Lucía dedicou persoalmente o conto aos nosos pequenos lectores.

Unha experiencia inesquecible que sen dúbida espertou nos nosos alumnos o amor pola lectura e a creatividade.

XOGAMOS AO BALONCESTO CO CELTA!

Hoxe tivemos unha visita moi especial, xa que varias xogadoras do equipo de baloncesto do Celta viñeron compartir unha xornada con nós, o alumnado de 3º e 4º de primaria.

Contáronnos como é o seu día a día como deportistas, ensináronnos algúns trucos e habilidades co balón e mesmo tivemos a oportunidade de xogar con elas. 

Foi unha experiencia moi divertida e motivadora, que nos animou a practicar máis deporte e a traballar en equipo.

Trouxeron algún agasallo con elas que sortearon entre todos nós. Aquí podedes ver ás afortunadas gañadoras do sorteo coas 3 xogadoras que nos visitaron!

Sen dúbida, foi un día que non imos esquecer!

Reconquista

      O 8 de abril o alcalde "Vázquez Varela"  trasladounos ao século XIX.  Un soldado perdido no tempo, "Pipi", falounos de distintos costumes da época, confundía os nomes das rúas e buscaba "conquistar" aos vigueses.  Así fixemos un percorrido polos lugares e sucesos da Reconquista.  Foi moi divertido!!!

 

 

QUIÑONES DE LEÓN

O pasado venres tivemos a gran oportunidade de visitar o Museo do Pazo Quiñones de León, situado no parque de Castrelos.

Foi unha experiencia enriquecedora que combinou historia, arte e natureza. Tivemos a oportunidade de descubrir quenes habitaron o pazo e como era a vida nese lugar imaxinando cada estancia da casa grazas ao mobiliario histórico. E, por sorte, non desaproveitamos a ocasión e percorremos tamén os elegantes xardíns que rodean o pazo.

Sen dúbida, unha actividade de interese pola achega ao patrimonio cultural da nosa contorta, espertando en todos nós a curiosidade e o respecto pola historia local nun entorno único e inspirador.

Concerto didáctico

     O 25 de marzo os alumnos de 5º e 6º achegámonos ao auditorio do Concello para gozar dun concerto "Tornasóns".  Foi un entretido percorrido por distintas etapas da música tradicional galega.

 

 

ROSALÍA 23 DE FEBREIRO 2026

 ROSALÍA.

  Buscamos con estas actividades achegar a obra de Rosalía de Castro ao alumnado e fomentar a lectura promovendo así mesmo o uso da lingua galega.

CHARLAS PLAN DIRECTOR: “CONTROLA A TÚA REDE”

 

Este curso continuamos co “Plan Director para a convivencia e mellora da seguridade nos centros educativos e os seus entornos” no noso centro.

No día de hoxe, os alumnos e alumnas de 5º e 6º de primaria recibiron unha charla moi interesante incluída dentro da campaña “Controla a túa Rede” da Fundación MAFRE e Policía Nacional que busca axudar aos mozos e mozas a comprender como funcionan as redes sociais e as tecnoloxías da información e a comunicación, para que aprendan a utilizalas dunha forma segura e adecuada e sexan capaces de identificar e denunciar situacións perigosas.