CONTOS DE HORTA E DE XARDÍN

 Un anuncio da biblioteca na procura de lectores para o obradoiro "Hoxe le...",  que nos fagan gozar do xardín nos días soleados e nos acheguen historias relacionadas coa horta e o xardín e os coidados do medio natural está convertindo á hora de ler nun tempo de lectura no que o noso patio-bosque é protagonista e espazo lector. Xa temos un mundo de nenas e nenos preparando as súas lecturas e agardando a súa quenda. A horta de Simón e o Carballo con botas foron os primeiros libros lidos a semana pasada e esta, na que celebramos o día do libro. Primeiro foron os nenos de 4 anos os lectores e os de 4º como público. Hoxe as lectoras Zoe e Carla de 3º leron para infantil de 3 e 5 O carballo con botas e crearon conciencia.

Intercambio de cartas A Guarda (3ºEP) - Vigo (4ºEP)

Esta mañá chegou un sobre cun contido moi especial á aula de 4º EP  

Nenos e nenas do CEIP As Solanas, un cole de A Guarda, escribíronnos unhas cartas contándonos cousas da súa localidade. Foi unha sorpresa moi bonita recibir estas cartas, fíxonos moita ilusión  

Aproveitamos o que nos contaban sobre as súas praias e os seus montes para coñecer a Terra da Desembocadura do Miño. Investigamos e buscamos información e imaxes dos seus sitios favoritos. 

Agora tócanos a nós escribir e falarlles do noso cole e da nosa vila. 

O ALUMNADO DE 2º ENVÍASE POSTAIS NAVIDEÑAS

Os nenos de 2º disfrutaron botando as súas postais navideñas ao buzón que está á entrada do cole. Cada un fixo a súa postal destinada a un compañeiro da propia clase, despois de facer un sorteo secreto.  

Eles mesmos foron os creadores das postais, de poñer os remites e destinatarios, así como de pegar o selo para que chegue ao destino. 

Están todos desexando saber quen será o que lles felicitará as festas! Qué emocionante!

O CONTO FAVORITO DE...

 Sienna e Alana tamén comparten e len o seu conto favorito OS FANTASMAS NON PETAN NA PORTA.

Un conto estupendo! Bravo por elas!

RELATOS DE "CONTÁDESNOS UN CONTO? TAMÉN EN GALEGO

 Os nenos e nenas de 4º, aos que se lles dá de medo isto dos relatos, atrevéronse tamén a escribilos en galego!

AÍ VEN O MAIO... DE FLORENCIO

 

CONTACONTOS CON SABELA GAGO. INFANTIL, 1º e 2º de PRIMARIA

Este derradeiro venres de abril foi un día moi especial no que unha vez máis recibimos a Sabela Gago. Xa visitara o noso cole nalgún curso pasado e agora tocaba de novo gozar coa súa arte.

Durante un tempo que se nos fixo curto os de infantil, 1 e 2º de primaria, cadaquen na súa quenda, contamos e debullamos canda ela a historia de Martín e outras historias paralelas. Mergullámonos nun contacontos sen imaxes nen letras, só coas mans e coa voz, coa forza dos xestos. Experimentamos un xeito distinto de movernos polo planeta dos contos e pasámolo moi ben. Ela chegou coa súa maleta chea de sorpresas e coa maleta aínda máis chea, coa maxia compartida, marchou. E coma sempre deixounos a suxestión de que non esquezamos tirar dos libros da biblioteca para soñar.

  

RECITANDO A ROSALÍA

 Ano tras ano invitamos a tódolos nenos e nenas a recitar e ler en voz alta os poemas de Rosalía neste día tan especial. Na aula de 5 anos non o pensaron dúas veces e aproveitaron o estupendo día que fixo para celebralo ao ar libre. Noraboa! que ben o facedes!

día das escritoras e contacontos de medo tamén en galego

 O pasado 18 de Outubro celebramos o día das escritoras adicado a Concha Blanco e Paula Carballeira. Os seus contos protagonizan dúas propostas de obradoiros creativos dentro do noso PDI anual: o obradoiro de volume "Vai de casas" e o obradoiro emocional "Coñecéndonos e  empatizando"coa actividade "Vai de fillos". Ademais de encher de lecturas as mochilas a elas adicadas.

Os contos a traballar nos obradoiros:

A casa de cartón (Concha Blanco), A casa redonda (Paula Carballeira) e Mateo  (Paula Carballeira).

As escritoras galegas tamén protagonizaron algúns dos libros lidos no contacontos de outono.

"Corre, corre cabaciña" de Eva Mejuto

"Loboferoz "Marisa nuñez e Patacrúa

"A min non me comas" Margarita del mazo

ADA E NOA LEN CON XELA ARIAS

 Ada (2º de primaria), Noa (4º de primaria) e o seu pai len as bruxas de  Roald Dahl traducido por Xela Arias, autora homenaxeada nesta vindeira celebración do Día das Letras Galegas. 

MURO DIXITAL PARA A SEMANA DA POESÍA

 

Coñecede á actividade que desenvolvemos na vindeira semana da Poesía.

Lede a entrada no blog de biblioteca

AS PITAS BAIXO A CHOIVA. NOSO

Infantil ten feito unha adaptación do conto As pitas baixo a choiva de Ricardo Carballo Calero. Velaquí vai.