O mércores 14 de outubro, o alumnado de 5º e 6º participou nunha charla coa Policía Local sobre o pensamento útil, a toma de decisións e a influencia do grupo.
Aprenderon a importancia de pensar antes de actuar, tomar boas decisións e non deixarse levar sempre polo que fan os demais.
Moitas grazas á Policía Local pola súa colaboración!
Os días 7, 8 e 9 de outubro, o alumnado de 1º a 6º de primaria participou nuns obradoiros de educación sexual adaptados ás diferentes idades.
A través de xogos traballáronse aspectos relacionados co coñecemento e respecto do propio corpo, as emocións, a autoestima e as relacións saudables.
Unha actividade moi importante para seguir medrando no respecto, na igualdade e no coidado dun mesmo e dos demais.
O pasado 5 de outubro celebrouse no noso centro educativo unha charla do programa “Máis que un teito”, promovido polo Plan Local sobre Drogodependencias e Outras Adiccións do Concello de Vigo.
Esta iniciativa ten como obxectivo destacar o
importante papel da familia na educación e no desenvolvemento dos nenos e
nenas, así como ofrecer ferramentas para mellorar a comunicación, establecer
normas e límites e favorecer a prevención de condutas de risco.
Moitas grazas a todas as familias pola súa participación e interese!
Dentro das actividades do PIE (Benestar Emocional) desenvolvidas
no noso centro, o alumnado de 5º e 6º de Educación Primaria participou nunha
interesante proposta centrada no uso seguro, responsable e respectuoso de
Internet.
Da man das súas titoras, os nenos e nenas traballaron
na elaboración de diferentes carteis nos que recolleron un “Decálogo do Bo
Internauta”, un conxunto de recomendacións e normas básicas para navegar
pola Rede de forma segura. A través desta actividade, o alumnado reflexionou
sobre os seus hábitos dixitais e plasmou as súas conclusións de maneira
creativa e visual.
Ademais de reforzar os seus coñecementos sobre
seguridade dixital, esta actividade permitiu ao alumnado potenciar habilidades
como o traballo en equipo, a reflexión crítica e a comunicación visual.
Os carteis elaborados permanecerán expostos na aula
STEM do colexio para que toda a comunidade educativa poida coñecer e recordar
estas recomendacións, contribuíndo entre todos e todas á creación dun entorno
dixital máis seguro.
Os nenos e nenas de educación infantil recibiron a semana pasada unha postal de VIVINDO previa a sesión do venres.
Nesta ocasión, Silvia leu un conto escrito e ilustrado polos integrantes do taller artístico de Apamp. Titúlase “Elisa no mundo das marabillas” e empregou un comunicador co sistema GRID para que Vivindo contara partes do conto, marionetas e pulsadores con diálogos. Vivindo contou como coñeceu os creadores do conto.
Posteriormente, os nenos e nenas viron un vídeo na biblioteca sobre como ilustraron o conto as persoas con parálise cerebral. A continuación, pintaron un mural con diferentes partes do corpo e empregando diferentes útiles (por exemplo: un licornio).
A través de xogos e dinámicas participativas, os nenos e nenas descubriron que todas as persoas poden desempeñar calquera profesión, independentemente de se son homes ou mulleres. A actividade fomentou o respecto, a empatía e a liberdade para elixir o propio camiño sen prexuízos. 🐾🐾
VIVINDO
estivo o venres da semana pasada no noso cole. Lemos con Silvia o conto
“MONSTRUO AZUL”.
No ximnasio había varias caixas de cartón cun material determinado (papel triturado, papel de pintor, follas de periódico...). Entre este material, había teas de diferentes tamaños distribuídos polas caixas, para que os nenos e a nenas as puxeran enriba como eles querían. Deste xeito, fomentamos unha procura sensorial do material e o desfrute de xogar cun material non estruturado.
Cada neno/a
presentou a súa personaxe inspirada na súa fortaleza ou talento.
Despedímonos ata a
próxima sesión con apertas e bailando todos xuntos!
Esta semana, as nenas e os nenos de 4º estivemos reflexionando sobre a importancia da linguaxe que empregamos cada día. Descubrimos que as palabras teñen moita forza e que, dependendo do que digamos ou da maneira en que o expresamos, podemos facer sentir ben, animadas e valoradas ás persoas que temos arredor… ou, pola contra, podemos causar tristura ou malestar sen decatarnos.
A través de diferentes actividades, conversas e dinámicas en grupo, aprendemos a escoitar con atención, a falar con respecto e a pensar antes de actuar. Tamén comprendemos o importante que é poñernos no lugar dos demais e tratar aos compañeiros e compañeiras con amabilidade e empatía.
Entre todas e todos seguimos construíndo unha aula na que nos sentimos seguros, respectados e valorados. Porque cando colaboramos, nos apoiamos e nos axudamos uns aos outros, convertémonos nun gran equipo capaz de aprender e medrar xuntos.
👨👩Hoxe o alumnado de 2º de primaria participou no obradoiro: "Desmontando estereotipos nas películas de animación", onde aprendeu a mirar as súas películas favoritas con espírito crítico. A partir de escenas coñecidas e dinámicas participativas, identificaron roles, mensaxes repetidas e propuxeron alternativas máis igualitarias e inclusivas. Unha experiencia que reforza valores como o respecto, a diversidade e a liberdade de ser un mesmo.
O día 28 de abril visitounos a Policía. Falamos dos perigos que podemos encontrar navegando por internet. Foi unha actividade moi educativa.
“ConVIVINDO” NO CEIP PÁRRROCO DON CAMILO
O pasado venres visitounos no cole “VIVINDO”. Trátase dun obradoiro impartido por Apamp “Asociación de Familias de Persoas con Discapacidade” que aborda contidos relacionados coa inclusión, a diversidade e a convivencia, encadrado dentro do Proxecto ConVIVINDO.
O alumnado de educación infantil participou nas actividades propostas coa compaña de “Vivindo” e a música de María Fumaça.
Que ledicia, pintando e bailando todos xuntos!
Chegou o último día de curso deste primeiro trimestre!
Unha xornada na que entregamos as nosas cartas cos nosos desexos e agasallos.
Unha visita moi especial e chea de maxia... Papá Noel chegado dende o Polo Norte cun agasallo moi chulo!
Durante os días de decembro, foron aparecendo na aula de 4º uns agasallos que configuraban un calendario de advento moi especial. Cada día traía consigo unha cita, unha pregunta ou unha pequena reflexión sobre a maneira de relacionarnos, a inclusión, o respecto, a solidaridade...
Pensamos e debatimos cada un dos agasallos atopados, facendo desta clase un lugar seguro e cómodo para todos e todas.
Esta semana os monitores da Fundación Igualarte
da man de Afundación impartiron diversos obradoiros ao noso alumnado buscando
fomentar a diversidade como un valor social:
Contacontos “A familia”: dirixido ao
alumnado de educación infantil. Unha vez escoitaron o conto creado pola
Fundación Igualarte, realizaron a actividade “Creando a miña familia”. Por
grupos, crearon un móbil colgante coas persoas que conforman unha familia.
As tarefas do fogar entre todos e todas: participaron
os cursos de 1º a 4º de primaria. Consistiu nunha obra de teatro cargada de
humor, pero cunha mensaxe moi seria: a igualdade de xénero.
Obradoiro de percusión: os monitores
deron un pequeno concerto para despois realizar un taller de percusión corporal
e con instrumentos de material reciclado.
Hoxe os alumnos de 1º e 2º de primaria puideron desfrutar do espectáculo de monicreques “A galiña azul” no teatro Afundación. A obra inspirada no clásico conto do escritor galego Carlos Casares, fixo que os nenos e nenas fosen espectadores activos, interactuando e participando ao longo de toda a obra. Ademais de pasalo xenial, aprenderon e lembraron a importancia da conviencia, a aceptación e o agarimo polo que é diferente de nós, é dicir, da diversidade do mundo que nos rodea.
