Meteoroloxía en febreiro

 

     Aproveitando o noso PDI “Como chove miudiño.  A ciencia tralos meteoros”, en 5º fixemos un estudo do tempo no mes de febreiro.  Temos que agradecer a colaboración do pai da nosa alumna Claudia:  na súa casa ten unha estación meteorolóxica comunicada cunha páxina en internet.  Nós recollemos eses datos e fixemos o seguinte traballo con eles.

     En primeiro lugar elaboramos unha táboa de datos.  Hai que ter en conta que os datos estaban en unidades inglesas e tivemos que pasalos ás unidades de medida que manexamos nós.  Para elo utilizamos as calculadoras para facer as conversións de datos todas as mañás cando abrimos a páxina web para ver as medicións do día anterior.

     Aproveitamos estes datos para estudar o tratamento da información:  medias, medianas, modas, rangos,...  e elaborar gráficas de barras e liñas.

     Aquí tedes unha mostra gráfica do noso traballo.

 

 

 DESCUBRINDO OP ECOSISTEMA DUNAR DO VAO

     Os nenos e nenas de 5º e 6º embarcáronse nunha aventura natural inesquecible:  unha saída ao ENIL do Complexo Dunar e Areal do Vao, un espazo natural protexido cheo de vida e curiosidades.

                    Armados con cadernos, pistas e moita curiosidade, convertéronse en verdadeiros detectives da natureza, explorando e ecosistema dunar:

• Descubriron como  se forman as dunas.
• Identificaron plantas autóctonas que axudan a reter a area.
• Atoparon pegadas de animais e aprenderon a recoñecer sinais da súa presenza.
• Reflexionaron sobre a importancia de coidar estes espazos fráxiles 

     A actividade combinou xogo e aprendizaxe, permitindo ao alumnado comprender a biodiversidade da praia e das súas dunas, e o papel esencial que ten este ecosistema na protección do litoral.

     Un día cheo de aprendizaxes, brisas mariñas e moita ciencia en contacto directo coa natureza.

 

 

Arroz con CHÍCHAROS!

Como ben sabedes, 3ºEP plantou chícharos na horta da escola. Resulta que ese traballo deu os seus froitos e decidimos facer unha pequena comida na clase para probalos.

Estabamos entre chícharos con xamón ou arroz 3 delicias. Ao final, fixemos este arroz con chícharos, pavo e queixo. Coas mans ben limpas e traballando en equipo conseguimos un arroz delicioso que papamos antes de marchar para casa!

Como cultivamos sen pesticidas e sen químicos obtivemos un resultado rico e saudable! 

Queriamos compartilo con vós, pero non deixamos nada! Unicamente temos como testigo este vídeo...

Vila Romana de Toralla - 3º e 4º EP

Saír do cole sempre entusiasma, pero resulta aínda máis especial se é unha viaxe ó pasado! 

Hoxe, o alumnado de 3º e 4º de primaria vistamos o Xacemento Arqueolóxico Municipal Vila Romana de Toralla. Un testigo único que nos explica e mostra a vida que houbo arredor da Ría de Vigo.

Aprendemos moitas cousas coa axuda do noso guía Sebastián, coñecemento que fará que o estudo da historia e da Época Romana sexa moito máis ameno, pois puidemos entrar nunha Vila Romana, ver cos nosos propios ollos as termas, o sistema de calefacción que tiñan... É incrible poder corroborar a información dos nosos libros tan pretiño. Sen dúbida, cantas cousas ofrece a nosa contorna!

Nos deixedes de ver o noso vídeo resumo!

Matemáticas manipulativas en 2º EP

 Esta é unha pequena mostra de diferentes actividades que fixemos durante as clases de matemáticas neste 2º curso, e que facilitaron en gran medida unha aprendizaxe diferente e divertida.

 

 

La fábrica de etiquetas

 Os nenos de 2º de primaria descubriron o conto "La fábrica de etiquetas", e así, poideron sacar fóra todas aquelas palabras referidas a eles que tanto lles molestan, e racharon todas! Que mellor forma de sentar as bases emocionais, que falando dos nosos medos...

 

 

 

Visita ao Castelo De Soutomaior

O alumnado de 1º e 2º pasou o día no Castelo de Soutomaior. Coñeceron como Pedro Madruga convertiu esta fortaleza no seu centro de operacións nas loitas de poder na Galicia dos Irmandiños, de fai cincocentos anos, ata convertirse nunha residencia de verano no século XIX.

Almorzaron nos seus formidables xardíns mentres disfrutaban da súa riqueza botánica con castaños centenarios e camelios, e incluso poideron seguir unha senda para coñecer os seus arredores. Seguro que o noso alumnado non esquecerá esta bonita visita, na que aproveitaron para compartir comida e xogos cos seus compañeiros.

LETRAS GALEGAS 2025

 Celebramos con moita ledicia este día. A  música, poesía e instrumentos fannos vibrar, saltar e enchernos de emocións positivas, que compartidas entre toda a comunidade educativa, fixemos así unha xornada especial.

Feliz día das LETRAS GALEGAS 2025.

Grazas Papuxas, nais, avoas, amigas das nosas nenas e nenos por  dedicarnos o voso tempo e arte coa pandeireta, cantareiras co corazón💓

SAÍDA Á GRANXA KIRIKO

O pasado martes, o alumnado de Infantil e 1º de Primaria puido desfrutar dunha saída á granxa Kiriko. Alí coñecemos aos cans Río e Pipa, ás vacas Pinta, Valentina e Clementina, á cabra Colacao, ós burriños e... moitos animais máis!

Mirade que ben o pasamos!!

 

EDUCACIÓN INFANTIL VAI Ó TEATRO

 “E entón, un xardín” foi a obra de títeres que puidemos desfrutar co alumnado de infantil . Con ela estimulamos a capacidade de observación, e as posibilidades de diálogo, fomentando o uso da lingua galega.