En 3º comezamos a traballar a expresión escrita a través das cartas...
Ademais de coñecer a estrutura das cartas e dos correos electrónicos, mellorar a organización dos textos, fixarnos na ortografia... decidimos escribirnos cartas entre nós!
Despois de todo o proceso: borrador, carta, debuxo, destinatario, remitente... por fin chegou a hora de recibir as cartas! Resulta que esta mañá apareceron nos nosos pupitres! Todas contiñan palabras amables que axudan a sentirnos ben e acollidos no grupo!
O alumnado de 1º, 2º, 3º e 4º de Primaria profundizamos un pouquiño máis na maneira que temos de reciclar no concello de Vigo grazas a un obradoiro do programa Ecoescolas.
Repasamos os diferentes contedores que temos e o que debemos botar en cada un deles.
Ademais do proceso de separación do lixo, falamos das distintas problemáticas que afectan ao medio ambiente e ideamos algunhas solucións.
Lembradas as 4 R: reducir, reutilizar, reparar e reciclar, poremos cada un de nós o seu granciño de area para protexer a saúde do planeta!
Este mércores, 6 de novembro, as nenas e nenos de 3º e 4º E.P. do cole fixemos unha saída ao centro de educación medioambiental de Naturnova para aprender unha chea de cousas sobre o universo.
Investigamos o caso da pelota supersónica perdida, seguindo a súa estela polo sistema solar mentres percorriamos diferentes salas... Toda unha aventura e un misterio que fomos quen de resolver!
Gozamos e aprendimos de todas e cada unha das experiencias que alí atopamos.
Esta semana tivemos de novo a Debo e María de visita no noso cole para axudarnos a comprender o significado e a importancia da corresponsabilidade.
O noso pavillón deportivo transformouse nunha casa coa súa sala de estar, habitacións, cociña...
Con este obradoiro de tarefas do fogar tomamos consciencia da necesidade que existe dunha repartición das tarefas entre as persoas que conviven.
Aquí podedes vernos colaborando nesta casa improvisada que montamos no noso cole!
RESILIENCIA E SEGURIDADE VIARIA
O 15 de outubro, axentes da Unidade de Educación da Policía Local de Vigo, trasladaron ao alumnado de 5º e 6º de primaria, información sobre educación vial e a súa importancia no día a día.
A charla estivo baseada na experimentación e o pensamento útil para ser capaces de prever os accidentes e como mellorar a convivencia cidadá.
.jpg)
.jpg)
As alumnas e alumnos de 3º, 4º, 5º e 6º do cole fomos quen de traballar educación financieira dun xeito lúdico e moi divertido. Aprendemos a diferenciar entre necesidades e caprichos, así como a importancia da planificación dos gastos e o aforro. Un orixinal xogo da oca axudounos a reflexionar sobre todos estes temas…
No Párroco estamos máis que comprometidos cunha formación integral do noso alumnado, por iso o cole se somerxe nun programa de Educación Sexual. Este concrétase a través de obradoiros dinamizados por expertas na materia que acoden á nosa biblio.
A educación sexual debe comezarse dende ben pequenos co obxectivo de fomentar entre o alumnado un maior coñecemento e respecto cara si mesmos e cos demais.
Esta semana tivemos unha primeira sesión que nos axudou a comprender un pouco mellor como é o noso corpo, que significa "sexualidade", en que ámbitos pode atoparse, como muda este concepto co tempo segundo as etapas de infancia - adolescencia - adultez.
Continuamos aprendendo!
Velaquí un vídeo-resumo dos obradoiros:
CONXEMAR
O día 25 de setembro os alumnos de quinto achegámonos ás instalacións de Conxemar. A nosa monitora, Carlota, axudounos a coñecer a procedencia de distintas especies marinas. Despois Guille, o chef, axudounos na cociña con preparacións con peixe previamente desconxelado e con Carlota reciclamos recipientes de plástico dos conxelados convertíndoos nun semilleiro. Unha boa experiencia de principio de curso.
