ELMER E A PAZ

Todos iguais, todos diferentes foi o lema que nesta celebración do Día da Paz temos escollido para traballar nas aulas. Elmer, o noso elefante "clasico" foi o personaxe que nos acompañou e nos axudou a reflexionar neste importante tema. Canda el adentrámonos no mundo das diferencias, do seu activo para a convivencia rica e multicultural, e canda el achegámonos tamén ao mundo da diversidade lingüistica. Esta riqueza, que temos o noso caron - e moitas veces non apreciamos-, reflectiuse no mural que tódalas aulas axudamos a compoñer. 10 Elmers diferentes, portadores de palabras diferentes en 10 linguas diferentes; pero iguais no seu valor e no seu significado.
Tódalas aulas desfrutamos da lectura en papel e dixital do conto Elmer. Nunha posta en común tiramos desta lectura unha listaxe de palabras que nos falaban de paz, igualdade e diversidade. As palabras que coincidiron nas distintas aulas foron as que traducimos a unha lingua escollida por cada quen (as motivacións foron diversas, tamén) e colocamos nos nosos elefantes.
O noso mural formaba uns camiños de ida e volta que nos falaban da necesaria confluencia de todos, sen deixar de lado tampouco a nosa idiosincrasia. A Paz e a celebración do Ano internacional das linguas indíxenas, foron este curso da man.
Velaiquí algunhas fotos da actividade.

CONVIVENCIA DO DÍA DA PAZ 2016

Logo de traballar eses días arredor da temática da Paz nas aulas e de deixar a nosa pegada no mural. O venres 29 de xaneiro xuntámonos todos no ximnasio do colexio para adicarlles aos nenos do mundo un chisco de esperanza e ánimo cos arrolos que lles cantamos, as composicións que tocamos coas frautas, os poemas que recitamos e ata coa animada canción cantada por todos en inglés. Aquí tendes unha mostra do que foi ese fermoso día.

DÍA DA PAZ 2016 - Kizoa Movie Maker

MURAL NO DíA DA PAZ 2016

Este ano queríamos adicarlles no Párroco o día da Paz a tódolos nenos e nenas que están a sufrir as consecuencias das guerras no mundo. Especialmente aos nenos e nenas refuxiados.....

Nós ainda que somos moi cativos, podemos facer moitísimas cousas para cambiar o mundo e facer que sexa un mundo mellor.....xa o falamos nas aulas cada día, aínda que as veces se nos esquece un pouquiño...

Pero para celebrar este fermoso día de convivencia e colaboración entre todos e grazas as indicacións do mouchiño de biblioteca fixemos un precioso mural que podedes ver na entrada do colexio. 

Esa foi tan só unha pegada que quixemos deixar nese día de esperanza, adicándolles a tódolos nenos do mundo una estrela chea de reatratos, os nosos, os deles,  xunto cun poema do homenaxeado nas Letras Galegas deste ano Manuel María  "A estrela se nome" toda ela rodeada de sons e arrolos inventados, vividos, soñados. Moitas grazas as familias pola vosa achega e colaboración.

CELEBRAMOS O DÍA DA PAZ

O traballo que estivemos a facer durante estes días para Copo, o mouchiño de Xaneiro, reflectímolo no noso mural da Paz que luciú durante unhas horas coas luces acesas para simbolizar esa luz de esperanza coa que quixemos agasallar a tódolos nenos e nenas que non teñen medios para unha escola digna e de calidade... a algúns -como nos ensinou Copo- mesmo lle falta a luz!.
Cada aula decorou un brazo co que botábamos a voar os nosos desexos para un mundo mellor, mesmo no eido da escola.

Malala Yousafzai foi o outro eixo de traballo. A nena a quen lle deron o Premio Nobel da Paz por defender cáseque coa súa propia vida o dereito das nenas a recibir unha educación e acudir á escola. Dereito que temos que ter tódolos nenos e nenas do planeta. O segundo mural que enche a nosa entrada acolle algunhas das impresionantes e sinxelas frases que Malala ten pronunciado sobre este dereito.

Despois do traballo xuntámonos todos para compartir durante un tempo cancións e mensaxes de paz. Unha canción en inglés interpretada polos alumnos de 5º e 6º e unha canción en galego cantada polos nenos e nenas  de 1ºA acompañados polos nenos de 4 anos. Despois de ler cada clase a súa mensaxe de paz, intercambiamos  os globos que  un a un foramos enchendo nas aulas cos nosos desexos. De seguro que foi unha bonita sorpresa descubrir as mensaxes que había agochadas no seu interior.

Dia da Paz normalización - Kizoa Movie Maker

O pasado xoves 30 de xaneiro, como ben sabedes, celebramos o Día da Paz.

Primeiro tocou remetar o mural da Paz que fixemos entre tod@s, seguindo a fráse tan emblemática de Nelson Mandela que di: " A educación é a arma máis poderosa para cambiar o mundo". Xa tiñamos os nosos personaxe a piques de despegar no globo aeroestático, só quedaba engadirlles as palomas da paz que cada neno do colexio foi colocando con moito coidado.

Por outra banda, e para dar a coñecer algo mellor a figura de Nelson Mandela, os alumnos de 4º, 5º e 6º de primaria mostráronos unha presentación moi sinxela sobre Madiba. Aprendimos todos moitas cousas sobre a loita que levou Mandela ao longo da súa vida, contra o apartheid, como conseguiu chegar a presidente de Sudáfrica e incluso chegamos a velo bailar!

Unha xornada na que aprendimos cos corazóns!

Deixámosvos as imaxes do día e tamén a presentación en power point por se vos interesa velo na casa.