1º e 2º no obradoiro "Jasón o tiburón" no acuario do Museo do Mar.

O pasado venres 15 de maio os nenos de 1º e 2º saímos de excursión cara ao Museo do Mar de Vigo para participar no obradoiro "Jasón o tiburón" do acuario. Nada máis chegar dividímonos en dous grupos. Mentres un grupo quedaba na aula científica aprendendo e descubrindo unha chea de cousiñas sobre os tiburóns, o outro grupo visitaba o acuario para coñecer os seus habitantes e características e ademáis participaba dun contancontos dun escualo chamado Jasón. E así logo a inversa. Por este motivo veredes que as fotos parece que estean duplicadas, pois son as que se tomaron de cada un dos grupos.
Pasámolo estupendamente e descubrimos una chea de misterios arredor da vida das quenllas, das raias e doutros moitos peixes que habitan na nosa Ría de Vigo. Pero como unha imaxe vale máis que mil palabras, aquí tedes as fotos dese día.