Esta semana as nenas e nenos de 1º e 2º da escola estivemos aprendendo unha morea de cousas sobre educación sexual. A través de xogos moi divertidos fomos quen de entender que actitudes como o respecto e a tolerancia son fundamentais para poder desenvolvernos dun xeito satisfactorio e saudable. Non menos importante foi decatarnos daquelas actividades ou experiencias que poden ser públicas, privadas ou íntimas na nosa vida.
Deixamos unha breve escolma do vivído e experimentado ese día…
No Párroco estamos máis que comprometidos cunha formación integral do noso alumnado, por iso o cole se somerxe nun programa de Educación Sexual. Este concrétase a través de obradoiros dinamizados por expertas na materia que acoden á nosa biblio.
A educación sexual debe comezarse dende ben pequenos co obxectivo de fomentar entre o alumnado un maior coñecemento e respecto cara si mesmos e cos demais.
Esta semana tivemos unha primeira sesión que nos axudou a comprender un pouco mellor como é o noso corpo, que significa "sexualidade", en que ámbitos pode atoparse, como muda este concepto co tempo segundo as etapas de infancia - adolescencia - adultez.
Continuamos aprendendo!
Velaquí un vídeo-resumo dos obradoiros: