NATURNOVA

Este ano, nada máis chegarmos das vacacións de Nadal, os nenos e nenas de 3º e 4º do cole fixemos unha saída ao centro interactivo de educación ambiental NATURNOVA. Alí fomos quen de viaxar nun submarino ao fondo da ría de Vigo, tamén de ver o sistema solar en movemento ou mesmo de escoitar unha tormenta en directo.  Convertémonos por uns intres nuns marabillosos detectives do espazo investigando e aprendendo cousas deste incrible mundo ao que pertencemos e que tan necesitado está do noso coidado e respecto.