O pasado venres día 2 na biblioteca os nenos e nenas de infantil tivemos unha nova sesión do noso proxecto "Contamos Moito" cunha contacontos excepcional… a profe Malena, quen foi dándonos conta das idas e vidas que tiñan lugar na granxa onde vive Marjorie e da súa extraordinaria historia. Ademais contamos coa compaña dos maiores de 1º de Primaria; cousa que nos fixo moita ilusión por volver estar ao lado dos nosos vellos compañeiros. Deste xeito, aproveitamos a coordinar a nosa aprendizaxe cos máis maiores compartindo lecturas e experiencias.
Durante todo este mes, seguiremos a escoitar o conto da man das profes nas nosas aulas e tamén no formato dixital que nos prepararon e traballaremos a historia e o vocabulario co material jclic que tamén fixeron elas.
Nos días vindeiros veredes os murais que entre todos estamos preparando nos corredores da escola e outros traballiños que pouquiño a pouco iremos facendo.
E... ¡ xa estamos a esperar con moita ilusión polo contacontos deste mes de Nadal, que sabemos vai ser moi especial.!
Ningún comentario:
Publicar un comentario