CANTARES NO "VERBUM"

   O Xoves 17 de Novembro os alumnos do 3º Ciclo asistiron ao "Verbum", o Museo das Palabras, onde puideron participar nunha chea de actividades interactivas co obxecto de  profundar no coñecemento da diversidade lingüística na nosa terra e no mundo en xeral.
  Ao longo da mañá puideron visitar diferentes exposicións tales como "O Museo Radiofónico de Galicia", "Vigo Cidade de Babel"... recitar poemas da tradición oral galega, interpretar un conto, comprobar a habilidade dos regueifeiros e, incluso, participar nun taller onde amosaron as súas dotes como ilustradores.