O 6 de xuño deste curso tivemos no noso cole a un ilustrador coruñés que ademais é tio dunha das nosas alumnas de 2º curso de Primaria Iria Quiroga Prado.
Na súa traxectoria profesional ilustrou máis de 50 obras, entre as que destacan “ El secreto del bosque viejo”, “ El espíritu del bosque” o “ Larita”.
Está considerado como un ilustrador da natureza e de libros infantís e xuvenís. Durante a hora e media que nos acompañou explicou como é o proceso de facer un libro, dende a idea inicial ata o seu paso pola imprenta. Como pode utilizar soamente catro cores nos debuxos e como é a escala na que pode debuxar antes de ser editados.
Deulle os nen@s unhas primeiras nocións para debuxar sentimentos na face humana e como saían animais duns simples circuliños ou raias. Os rapaces intentaron facer gatos, mouchos, cabalos, baleas e ata un dinosaurio.
Nunha carpeta xigante traía varios orixinais para comparalos co libro que logo se vende nas librerías. Despois de contestar a todas as dúbidas que lle plantexaron sobre o seu traballo de ilustrador, colleu unha fotografía do escritor homenaxeado das Letras Galegas “ Lois Pereiro” e fixo en pouco tempo unha acuarela espectacular que nos adicou para todo o colexio.
Ningún comentario:
Publicar un comentario