Formando parte das actividades da semana do libro na nosa escola hoxe os alumnos de 3º e 4º recibimos a visita da escritora María Canosa, autora de “Escola de bruxas”, historia que limos nas nosas clases durante estas últimas semanas e coa que gozamos e aprendimos dun xeito moi especial.
María falounos das súas motivacións para escribir esta historia, así como dos valores que ela quería transmitir coa súa lectura: o valor da amizade, do esforzo, da familia… Toda unha lección de vida que nós agradecemos moitísimo e que nos anima a seguir lendo para encher as nosas vidas de aventuras e soños.
Mil grazas a todas as persoas que escriben e espertan a nosa imaxinación para transportarnos a mundos descoñecidos e enriquecer así as nosas vidas. Grazas María!
Ningún comentario:
Publicar un comentario