ACTIVIDADE DE MÚSICA TRADICIONAL

OS ALUMNOS DE 4º TIVEMOS UNHA ACTIVIDADE MUSICAL

O día 15 de febreiro visitounos unha pandereteira. Ensinounos varios instrumentos de percusión dos que sabía moito e manexábaos moi ben. Lanzouse a amosarnos o seu manexo e incluso cantou, coa axuda dalgún compañeiro. Aprendemos diferentes tipos de instrumentos, de que están feitos, como se tocan segundo a zona de onde proceden... En resumo, aprendemos algo da música tradicional e dos instrumentos que usaban os nosos avós.

MAGOSTO 2017

E chegou o venres, o día antes do San Martiño, así que no Párroco tamén botamos trompos ao camiño.
Como tiñamos ganas de voltar a xuntarnos pequenos e maiores como fixeramos nas lecturas compartidas do Samaín, quedamos moi ledos ao decatarnos de que desta volta compartiriamos xogos populares.

Así que todos ao tempo pero en distintos espazos xogamos a estes xogos:

·        6º E 2º DE PRIMARIA (no campo de futbol): Saltamos á comba e xogamos ao paracaídas. 

·        4º A E INFANTIL DE 3 ANOS (no Ximnasio): Xogamos ao come castañas e a soplar follas.  

·        5º E 1º DE PRIMARIA (no campo de fútbol): Xogamos ao pano, e ao tiro ao paraugas.  

·        3º E INFANTIL DE 5 ANOS (no patio de diante): Fixemos o xogo dos aros, e o de recollida de mazorcas. 

·        4º B E INFANTIL DE 4 ANOS (no patio cuberto): Transportamos saquiños na cabeza, e xogamos ao ferrón. 

Logo de tanta actividade chegou o momento de probar as castañas que trouxeramos estes días dende as nosas casas e que tan ben prepararon a nosa dire Pili e Sol. Moitas grazas, estaban ben saborosas!.