EPHEMERAL ART - ARTE EFÍMERA

Os nenos e nenas de 1º e 2º de primaria despedimos as clases de ARTS cunha actividade de arte efímera. 

Creamos mandalas naturais con elementos que atopamos na nosa contorna.

Velaquí unhas fotos!

 

                  

                    

XORNAL DON MOUCHO 2025

 Presentamos un ano máis, recén saído do prelo, este Xornal Don Moucho no que compartimos algunhas das moitas e variadas experiencias que tivemos neste curso que remata. Gozade co relato de cada aula!

O NOSO EMOCIONARIO

Sabemos que o mundo das emocións é algo complicado... sentimos moito e non sempre sabemos recoñecer o que nos pasa e atopar unha forma de regularnos. Por esta razón, o alumnado do segundo ciclo de primaria pasou todo o curso creando o seu EMOCIONARIO. 

Un emocionario persoal no que recolle como vive cada emoción e o que necesita en cada momento. Cada un de nós somos diferentes e debemos coñecernos moi ben para atopar o noso benestar en diferentes situacións...

Como clausura do proxecto, estivemos xogando co xogo "O monstro de cores".

Xogos STEAM: Kapla, Korbo e Lego

 

Durante o 2º trimestre os alumnos e alumnas de 2ºP realizaron construccións de figuras co KAPLA. Este xogo fomenta a experimentación manipulativa e vivencial. Tamén promove o traballo en equipo tomando decisión de grupo. 

Crearon mecanismos e estruturas móbiles co set do material KORBO. Permitiu aos nenos e nenas verificar o efecto do movemento.

O BricQ Motion Essential LEGO Education achegou experiencias de aprendizaxe divertidas a medida que construían cos ladrillos LEGO.

A continuación, podedes ver o traballo experimental que realizou o alumnado.

 

 

 

 

 

RESOLUCIÓN DE CONFLITOS

 

Durante este trimestre  traballamos a resolución pacífica e positiva de conflitos na aula do alumnado de 6ºP. Empregamos os seguintes materiais:

• Dossier coa teoría de resolución de conflitos e coas fichas das actividades (O círculo da paz, Historias de conflitos, O semáforo das emocións, O club dos mediadores/as e a solucaixa).
• Fichas de situacións de conflito.
• Tarxetas coas estratexias de resolución de conflitos.
• O semáforo das emocións.
• Tarxetas cun rol (mediador/a, persoa A e persoa B).
• A caixa dos problemas e solucións.

A continuación podedes ver unha mostra gráfica da actividade.

XOGANDO AO GRABOLO NÚMEROS

 

Que ben o pasamos na aula de 5 anos xogando ao Grabolo Números.

É un xogo divertidísimo que fomenta a coordinación ollo-man, a memoria, o razoamento matemático e a socialización. Todos os nenos e nenas querían ser os primeiros en coller a carta correspondente.

Un emocionante desafío!

                                    

XOGOS MANIPULATIVOS DE XEOMETRÍA

 

Durante este trimestre o alumnado de 4º de primaria traballou a xeometría dunha forma lúdica.

Empregaron os seguintos xogos para identificar e construír figuras xeométricas:

Dominó de figuras de mosaico

Fortalece a capacidade visual de diferenciación, exercita a apreciación de formas e consolida a capacidade de concentración.

 

Tangram

Permite traballar conceptos da xeometría plana e potenciar o sentido da orientación.

 

 

Flor encaixable de madeira

Estimula o pensamento lóxico e a aprendizaxe das formas xeométricas