“TODOS E TODAS CONTAMOS” DÍA INTERNACIONAL DAS PERSOAS CON DISCAPACIDADE

 

 

Esta semana os monitores da Fundación Igualarte da man de Afundación impartiron diversos obradoiros ao noso alumnado buscando fomentar a diversidade como un valor social:

Contacontos “A familia”: dirixido ao alumnado de educación infantil. Unha vez escoitaron o conto creado pola Fundación Igualarte, realizaron a actividade “Creando a miña familia”. Por grupos, crearon un móbil colgante coas persoas que conforman unha familia.

As tarefas do fogar entre todos e todas: participaron os cursos de 1º a 4º de primaria. Consistiu nunha obra de teatro cargada de humor, pero cunha mensaxe moi seria: a igualdade de xénero.

Obradoiro de percusión: os monitores deron un pequeno concerto para despois realizar un taller de percusión corporal e con instrumentos de material reciclado.

Grazas aos monitores da Fundación Igualarte por promover a inclusión e mostrar a diversidade como unha fonte de enriquecemento persoal e social.

OBRADOIROS MATEMÁTICOS 1º TRIMESTRE

 O alumnado de 1º acaba de comezar o seu camiño pola Primaria con moita enerxía e actitude. Así van aprendendo unha morea de cousas entre a aula STEM, os obradoiros de xogos, as saídas e visitas… Deixamos aquí algúns deses inesquecibles momentos…

Saída ao teatro Afundación con 1º e 2º de primaria

Hoxe os alumnos de 1º e 2º de primaria puideron desfrutar do espectáculo de monicreques “A galiña azul” no teatro Afundación.  A obra inspirada no clásico conto do escritor galego Carlos Casares, fixo que os nenos e nenas fosen espectadores activos, interactuando e participando ao longo de toda a obra. Ademais de pasalo xenial, aprenderon e lembraron a importancia da conviencia, a aceptación  e o agarimo polo que é diferente de nós, é dicir, da diversidade do mundo que nos rodea.

APRENDIZAXE BASADA EN XOGOS

A aprendizaxe basada en xogos (ABJ) ten multitude de beneficios nos nenos e nenas, sendo unha ferramenta educativa fundamental para o desenvolvemento cognitivo, social e emocional. Por iso a clase de 2º de educación primaria a través do emprego de xogos didácticos adquiren coñecementos nun ambiente interactivo e motivador, o que mellora a participación e a aprendizaxe dos alumnos e alumnas. 

A COMICTECA

 Este luns, día 24 de novembro, o alumnado de 1º e 2º do cole fixemos unha saída á Biblioteca Teatro Afundación para coñecer a súa COMICTECA, un espazo no que o cómic é o gran protagonista.

Comezamos coñecendo un pouco a historia do edificio e facendo unha liña do tempo desde os seus inicios, cando aínda era o teatro Rosalía De Castro, ata a actualidade… Logo traballamos nos nosos propios cómics, facendo pequenos grupiños e coreando e pensando na historia que neles queriamos contar.

Rematamos facendo unha pequena pescuda na sala da Comicteca para atopar aqueles exemplares que máis se axustaban á nosa idade.

Deixamos unha breve escolma da nosa experiencia…

O monte é vida

 

        O día 20 de novembro o alumnado de 5º e 6º  recibiu a axentes forestais e bombeiros.  Co obxecto de valorar o noso patrimonio forestal e fomentar a protección da natuleza charlaron cos nosos alumnos e proxectaron vídeos como apoio visual.  O que máis lles impresionou foi a actuación dos bombeiros e os sistemas de vixiancia dos axentes forestais.

 

PLANTANDO ÁRBORES CON PINCEIS

O pasado venres, os cursos de primaria unímonos para plantar árbores con pinceis... Non pensedes que isto vai unicamente de pintar... pois expertas trouxeron ao noso cole unhas pinturas fotocatalíticas que absorben e depuran os contaminantes que hai no aire... como se tivésemos árbores! Alucinante, non si!?

Os de 5º e 6º estivemos pintando un mural con estas pinturas sostibles nunha das paredes do patio cuberto.

Os de 4º participamos nun obradoiro de estampaxe. Realizamos, en equipo,  un padrón relacionado co coidado do medio ambiente e o estampamos nalgúns lugares do centro para compartir a mensaxe. Tamén estampamos o padrón do Proxecto O mar empeza aquí, unha campaña para visibilizar que o que se lanza nas rúas ou na rede de sumidoiros, pode acabar directamente no mar. Por todo isto, estampamos este padrón nun dos sumidoiros que hai no centro.

Por último, os de 1º e 2º estivemos pintando bolsas de tea con pinturas non contaminantes.

Aquí podedes vernos a todos e todas en acción!

 

PREVENCIÓN DE ADICCIÓNS - SOMOS NÓS MESMOS, FORTES E ÚNICOS

O alumnado de 4º terminamos onte as nosas sesións con Rocío, coa que compartimos 4 obradoiros sobre prevención de adiccións. Ela compartiu con nós algunhas FERRAMENTAS para poder tomar decisións que nos fagan sentir ben e que sexan boas para nós.

Nun primeiro obradoiro, tras unha choiva de ideas sobre o que é unha adicción e aclarar este concepto con cousas que xa sabiamos, centrámonos en intentar ser como somos, evitando que os demais teñan unha gran influencia ou poidan forzarnos a que fagamos cousas que non queremos.

Rocío púxonos o conto de "YO SOY" que compartimos con vós, pois ademais de gustarnos pensamos que é moi interesante. Fixemos un coloquio e reflexionamos sobre as etiquetas coas que cargamos cada un de nós.

No segundo obradoiro, descubrimos que é imprescindible comunicar o que pensamos e sentimos e tamén sobre dicir NON, pero non vale de calquera maneira. Temos que falar en calma de forma ASERTIVA. Estivemos facendo uns xogos de rol para poñer isto en práctica. Na terceira sesión continuamos a practicar a comunicación facendo uns murais EN EQUIPO.

Para pechar estes obradoiros, na cuarta sesión elaboramos cadanseu diario sobre o que somos, o que valoramos en nós, polo que estamos orgullosos e que podemos mellorar ou cambiar. 

Traballar a autoestima, quererse e valorarse, é fundamental para ser e para tomar boas decisións, que nos fagan sentir cómodos.

Grazas a Rocío pola súa cercanía e as súas palabras máxicas para mellorar a convivencia e o respecto neste mundo!

MERGULLÁMONOS NOS NOSOS FONDOS MARIÑOS!

O alumnado de 3º e de 4º tivemos a sorte de participar nuns obradoiros sobre "Os fondos mariños do Parque Nacional Marítimo Terrestre das Illas Atlánticas de Galicia" impartido por Miudiño.

Foron dúas sesións nas que puidemos mergullarnos nas augas dos parques e descubrir a vida que alí vive. 

O primeiro día, Diego contounos o conto "Os nosos Mares" dunha maneira moi creativa e divertida. Aprendemos os diferentes tipos de fondos mariños que hai e os animais e plantas que alí están. Pero, ademais, rimos moito coas sorpresas que ían aparecendo... ata houbo alumnos que se convertiron en corvos mariños e gaivotas!

Ademais, tivemos un tempo de xogo no que intentamos facer os crebacabezas dos fondos mariños e outros xogos de madeira moi chulos.

O segundo día, conectámonos ao canal de 13 grados  e acompañamos a nosa experta nos seus mergullos atopándonos con polbos, estrelas de mar, cangrexos, algas, raias e moitas cousas máis!

Aquí podedes vernos nos obradoiros, pero non perdades a oportunidade de ver os vídeos de 12 grados para descubrir a vida que transcorre baixo o mar e as súas curiosidades.

4º, 5º e 6º visita DIVERSA

O pasado venres, os alumnos e alumnas de 4º, 5º e 6º visitamos DIVERSA. A Mostra Internacional da Ilustración Contemporánea na sede do teatro Afundación de Vigo.

Unha saída moi especial na que nos mergullamos de cheo na arte: observamos, sentimos e creamos grazas as nosas guías que fixeron que o percorrido polas salas fose único.

Dividímonos por grupos e cada un observou, creou e explicou unha das sala. Tiñamos ilustracións nas que a protagonista era a natureza, outras resaltaban a diversidade cultural, a fantasía e a imaxinación, as cores e emocións, os erros como oportunidades...

Sen esquecernos do momento obradoiro-taller no que fomos verdadeiros artistas, creando collage e "plasticolegas".

Aquí deixamos un pequeno vídeo e unhas imaxes que ilustran algúns momentos da saída!