OBRADOIRO DE ESCRITA DENTRO DO PDI

 Dentro do traballo do marmeleiro os nenos e nenas de 3º traballaron sobre 5 tipos distintos de textos. Poemas e prensa nas celebracións correspondentes. Receitas para gozar da froita e coidar a saúde e uns estupendos anuncios sacudindo a nosa conciencia. Non quixeron deixar de probar a banda deseñada neste curso no que o lema da BE estaba centrado neste texto literario.

LIBROS DE PAXAROS E PLANTAS

 Un dos traballos previstos no PDI era compoñer un herbario e un libro ilustrado de plantas. Ao longo das estacións fomos recollendo e amoreando un mundo de follas, froitos, sementes de árbores diversas para clasificalas e falar das súas diferencias. Algunhas follas secámolas para os nosos traballos, pero a maioría pasaron o curso nas diferentes mesas de estacións das aulas. Aproveitando as palabras de Luísa Villalta, os nenos e nenas de 5 anos compuxeron cadanseu caderniño de aves e de plantas e herbas, as mesmas que estiveron a observar e traballar durante todo o ano.

SAN XOAN E AS SÚAS HERBAS

imaxe tomada da web a movida.gal

Dentro do PDI deste curso houbo unha parte importante adicada ás herbas e flores. Foron moitas as que procuramos e observamos nas nosas andainas polo patio-xardín do cole cos nosos cadernos de campo e as nosas lupas. Dentro das actividades de Letras Galegas foi Luísa Villalta (ela"imaxinariamente") quen nos trouxo un mundo de herbas, plantas e flores da fraga galega que tivemos que debuxar, colorear e  aprender o seu nome na nosa lingua, ademais de moito traballo científico-natural e matemático arredor das mesmas. Entre elas estaban 5 das herbas de San Xoan. Só faltaron o romeu e a propia Herba de San Xoán.

 Hoxe noite máxica de San Xoan chea de cacharelas e tradicións en Galicia non deixemos de sair ó monte, apañar as herbas e deixalas toda a noite ó fresco. Esa auga vai ser moi importante todo o ano. Hai que espantá-las meigas! Non coñecede-las herbas? Pois atendendede ós debuxos de infantil e primeiro. So vos quedaría localizar as outras dúas.

podedes descargalas para os peques se queredes neste vencello 

A PALABRA DO DÍA

 Comezaba o mes de maio cando da man de Luísa Villalta comezabamos co agasallo dunha palabra diaria na nosa lingua galega. Tódalas palabras tiñan relación co noso PDI e ata o 14 de Xuño os nenos de 1º e 5 anos estivemos lendo, escribindo, debuxando, coloreando e aprendendo no patio e na internet arredor destas verbas do bosque, da horta e do xardín. Entre elas coáronse, paxaros, insectos, organismos, herbas, produtos da horta, plantas, flores,...Non puideron faltar a súa cita algunhas das herbas de San Xoan. A derradeira palabra foi unha homenaxe á autora das Letras Galegas. Adiviñades...? Sí, herba Luísa.

O BOSQUE DAS FADAS

 Érase unha vez un bosque no que vivían unhas fermosas fadas. Cada unha tiña unha casiña e pola ventá podía axexar, ulir e escoitar toda a beleza que as arrodeaban. Nós, que somos aire e somos bosque, e formamos parte deste noso fermoso bosque, tamén axexamos, ulimos e escoitamos dende as nosas xanelas. 

O proxecto colorista que tiñamos para rematar o curso enchendo o xardin de fadas e casiñas non puido sair adiante. A chuvia non nos deu tempo a montar todo. Aqui deixamos algunhas das casiñas feitas. Seica a principio de curso podemos facer unhas novas e encher o xardín de maxia!

XORNAL DON MOUCHO 2024

 Un curso máis presentamos o noso xornal Don moucho con relatos variados das distintas experiencias deste curso que está a piques de rematar.

A RADIO NO NOSO PDI

 Ademais do programa que os pequenos de 4 e 5 gravaron no 1º trimestre dentro do reto #divulgamos, os rapaces  e rapazas de 5º de primaria foron á radio a explicar moitas das cousas que están aprendendo.

Eles mesmos deseñaron os programas e achégaronnos en lingua galega os contidos traballados e a importancia dos bosques e dos nosos hábitos para o medio ambiente.

Noraboa a estes cativos e cativas!

 

TRABALLO COA PRENSA E LETRAS GALEGAS

 Na clase de 6º de primaria achegáronse a vida e obra de Luísa Villalta dende a lectura da prensa, coa Voz da escola. A voz de Galicia adicou un suplemento esta semana a nosa poetisa homenaxeada no Día das Letras Galegas. A prensa é un texto moi útil nas aulas, un recurso que temos que seguir aproveitando.

17 DE MAIO. DÍA DAS LETRAS GALEGAS

 

Coma sempre dicimos, o Día das nosas Letras non pode quedar aí. Nós  imos dando pasiños ao longo de todo o ano coas nosas actividades e lecturas en lingua galega. No mes de maio este traballo medra un pouquiño máis ó poñer a nosa atención na escritora/escritor que cada ano é homenaxeada. Este curso temos unha impresionante persoa, Luísa Villalta,  que pouco a pouco imos descubrindo: poeta, escritora de textos moi diversos, docente, música e, por riba de todo, faladora activa no galego. Luísa Villalta ten que ser o noso modelo!.

Daquela no cole estamos a desenvolver moitas actividades arredor da súa persoa: actividades documentais, obra literaria, música do seu violín e da súa poesía, lectura de textos, paisaxes e bosques da súa vida,... Creamos e falamos en galego coa axuda dos materiais que  nos ofrecen dende outros centros e mais dos propios que temos elaborado nós. O traballo está en marcha. Imos seguir neste camiño durante todo o mes, pero celebramos este día achegándovos algúns petiscos do que se coce nas aulas.

Carteis sobre Luísa Villalta

Lemos e observamos algúns intres da súa traxextoria vital e literaria.

A palabra do día

Día tras día Luísa vainos agasallando cunha verba especial. Con ela aprendemos a lingua, observamos, matinamos nas nosas experiencias arredor dela, debuxamos, pescudamos, facemos traballo de campo,... A súa teima, o noso PDI. Os pequenos de infantil de 5 e os de 1º, os que máis gozan,  con esta chuvia lingúística.

Pescudamos na súa vida

4º de primaria

Traballamos coa súa imaxe

5 anos

Comecocos 

 3º de primaria

Poemas para ilustrar

Taboleiros robóticos especiais

E moito máis que xa vos iremos contando!

Mentres, celebrade o Día falando a nosa lingua.