Nesta semana do libro os nenos e nenas de 2º A tivemos o pracer de contarlles un conto que ten moito que ver co P.D.I deste ano aos nosos compañeiros da etapa de infantil.
O conto elexido foi "O rato e os ventos", un dos sete contos de Arnold Lobel do seu libro "Contos de ratiños" editado por Kalandraka.
O formato que eleximos para contalo foi o do Kamishibai que rescatamos coma preciado tesoro e que non sabemos moi ben como chegou ao noso colexio xa que ao parecer veu de Xapón.
Días antes da función tivemos moito traballo, organizarnos, repartir as tarefas, preparar as ilustracións, os textos, decidir a orde para participar todos, escribir, pintar,ensaiar, calcular cantos espectadores teríamos e mesmo facer agasallos para todos os nosos convidados.
Por se iso fora pouco, pensamos que tamén podíamos ensinarlles aos pequenos do cole algunha canción mariñeira para que nos axudasen a animar a función.
Logo uns voluntarios quixeron contar outro conto inventado "O naufraxio" e facer un pouco de maxia con papiroflexia.
Foi moi divertido e pasámolo moi ben todos xuntos nas dúas sesións que fixemos: o martes xunto cos nenos e nenas de 3 e 4 anos e o mércores cos de 5.
Aqui tendes as fotiños do que foron as funcións. Agardamos que vos gusten tanto coma a nós!.
Ningún comentario:
Publicar un comentario